|
駕駛車款: Techno GT 150
意外種類: 車輛碰撞
車主:
新P女
事發經過:
事發時返工駛往觀塘回旋處，因有小巴駛至，我慢車，打燈，停車....一切依足道路安全守則。一瞬間，從倒後鏡見到一輛的士衝上黎，未及細想，的士已撞向我。我當時被佢撞至衝前約一個車位，第一時間想救車，但因唔夠力扶直車身，小羊終於翻倒在地。的士司機馬上衝落車問我有冇受傷，跟住就猛咁道歉...佢解釋係被右邊既巴士阻住佢視線，下意識以為冇車駛至，到佢見到我停車既時候，就已經收制不及。
好彩當時的士撞我既時候，小巴剛剛駛過左，否則我實比小巴撞死。
人命財物傷亡損毀:
車牌已被撞爛，要用膠紙貼住先，seat位後面都撞爆埋...唔知要整幾多錢。
當時感受:
當時好似冇乜事，事發後幾小時後開始手腳酸痛，相信係因用力救車，使力過猛，睇完醫生後得知右肩肌肉已被拉傷。
事後影響:
當時冇報警，冇備案，跌車即時扶起部車，冇即時叫司機賠錢，於法理上，我全錯。但的士司機當時態度良好，好有誠意道歉，於人情上，我原諒佢。
家人唔知，但朋友就第一時間打黎鬧左我一大餐，相信暫時會有一排唔抯26住。
肇事原因及教訓啟示:
原本第六感已經叫我當日唔好抯26返工，但偏唔信...下次一定要意志堅定D，唔好被人影響自己既直覺。回旋處一向係交通黑點，跟足指引行車都會有盲毛衝上黎，其實真係都冇乜可以做得到。
鐵騎快語：
你實在太好人啦....
<<鐵騎會館
現場討論>>
|
