| |
駕駛車款: CB400 Version S
製造年份: 1997
意外種類: 自己炒低
車主: MICSPMA
事發經過:
地點:大圍上紅梅谷道近世界花園對出,上午9:50分左右
兇手:油漬
當時正在上斜,剛剛過左世界花園個燈位,前車減速,我跟住減,有個幾車位距離,50~60km/h
減至30~40km/h,直車,零點幾秒內突然派左......
人生中的第一次就咁冇左...
人命財物傷亡損毀:
人冇乜事,下巴損左,手腕有少少痛
車:個咪表爆左,暏後鏡"咩"哂,車身小花,其他未知....
當時感受:
當時有少少wing,坐起身後發覺俾架車紮住隻左腳,蚊返出來.當時有兩個行山的太太見到即時跑出來幫我,在此多謝佢地!不過佢地冇經驗,唔識就力扶車...
好彩當時後面冇車...停埋一邊後,架車撻唔到,坐低抖抖,先諗起要打返公司.
因為第一次,車又撻唔到,想call拖車,打俾個車友問下,佢教我可能火咀濕左,等陣再試,最後成功開車,龜速返公司......
事後影響:
"個天要你派,你冇得say no!!"
真係整定!!9:00am個時冇雨,9:15am左右落雨,原本已經想搭車,落左10分鐘停雨,咁咪又出車law,自問慢速+直車+正常操作(落break前7分後3分),加上知落過雨已加陪小心,咁都要派真係冇野講.事後行返埋去睇吓因咩派,先發覺原來頭先架前車46遮住左路中間o撻油(因o個10分鐘雨令到d油漬浮出來),而撻油漬上有一條胎痕(應該是我的),唉...又要趺$$$,唔知整幾$....
肇事原因及教訓啟示:
好彩上 iBike上得多,聽人講帶大頭佛,帶手套∼∼個大頭佛左下巴個位花左,如果開面就變左我塊面花,入左廠tim...
手套~我隻左手o係地下磨薑都只係有d痛,完全冇損.
各位記住呀!!!! |
