|
駕駛車款: skywave ck43a
製造年份: 2004
意外種類: 自己炒低
車主: bill
事發經過:
由紅隊往紅磡觀塘方向落漆咸道北，天橋落鈄右灣．當時車速大約40km/h左右，但唔肯定．我覺得唔太快.去到一半灣開始深入去．我就在那裡滑掉．先係覺得地下不平震震地（起豆皮那樣）之後就派了．我好似有落迫力，但有用迫力都唔算係太大力．但唔肯定．唔知關唔關事∼
人命財物傷亡損毀:
車既左邊花晒．左指揮燈都花．波箱都花．
人就好好彩，只係一ｄ皮外傷．
當時感受:
肉體就真係好小事，無咩感覺．
派果陣，我唔覺驚，只係有小小突然．之後有小小呆．不過好快回神．
事後影響:
之後都驚驚地．怕車住人唔知點算∼覺得今次好好彩，無咩事．
雖然後面有車，但可能果度車速唔高，ｄ車避到．
當時唔太驚，去到目的地見到ｄ車友（去果陣有小小渣得驚驚地），心情其實有ｄ輕鬆．無咩諗．返家仲車一個朋友回家（渣得好好，仲覺得無野）
不過了一日，又剛剛睇埋咁多＜炒車報告＞其實都有小小驚．但又唔想放棄．因為真係好鐘意．鐘意玩車會！
雖然我不嬲唔算係飆車果隻．但又唔算係好慢．間中都會快小小．但以後真係會更小心，唔會太快．好想長玩長有．電單車係用來玩用來方便既，唔係搵自己來教飛．
肇事原因及教訓啟示:
好多車友同車房師傅都話果度好多出事，話果度（由紅隊往紅磡觀塘方向落漆咸道北，天橋落鈄右灣）好多垃圾水係好滑既~老編係咪真架！？雖然我唔知係咪，打滑我之前都試過，但今次真係唔同．
唔知係地面問題，定係車速問題（會唔會我快了小小呢）或我落小小迫力呢！？同我果條係新呔，會唔會係未開呔呢？
教訓係小心小心再小心，同下鈄灣，更要小小心 鐵騎快語：
有好多人都咁講，但幸好老編未見過。不過每次落果隻彎都唔會快。
如果你唔肯定有冇落迫力的話，咁你多數有落迫力。彎中打滑「收油、棟直、唔好搞迫力」呢個意識需要訓練。做得到的話，你一定會知道自己做過d乜野。
如果你真係中圾垃水跣胎跟住重要落迫力的話，梗係炒啦。應該係收油扶直部車先再落迫力控制車速然後放迫力繼續轉彎。
|
