駕駛車款:            Grand Dink 250
製造年份:            2003
意外種類:            自己炒低
車主:              墨斗先生

事發經過:
於06年05月23號零晨,落住雨,本來我想揸車入太古城接我女朋友放工,當我由東區走廊柴灣方向進入太古城的第一個90度左灣,我都知機入灣前已經收車入,但當我去到灣心已經發覺架車越訓越低,當出灣時諗住俾油,架車突然一(扇),即刻派牌

人命財物傷亡損毀:
左,右手肘,右腳膝頭,左邊大脾外則磨薑,
架愛車左邊車身完部拉晒花,左邊電摺鏡拗左(冇爆)
事後即刻試下著車但著唔到,無奈之下叫拖車拖返去相熟車房(好彩車房未收工)唔見左$250,24號收工去攞車又放低$150(整左好多野,但係相熟所以收咁平)

當時感受:
當時派牌後係地下滾左唔知幾多個圈,睇住架車一直係咁(扇)住咁走,仲磨出火花,唔知點算,但因為係高速公路範圍,所以即刻起身去睇返架車,(好彩後面冇車,如果唔係都唔可以係到打呢份report),之後即刻打電話俾我女友通知佢,等佢過黎期間個腦一片空白. 返到屋企沖涼覺得好痛(傷口)

事後影響:
可能因為太過有自信,好似平時咁訓灣,所以出事,出事後有想過報警,但都冇咁做,可能個人冇咩事唔想煩,返到屋企都唔敢話俾屋企人知,唔想佢地擔心,我女友就係咁話我,(因為我成日都話無懼),叫我注意駕駛態度,公司同事叫我放棄唔好再揸,話太危險,都係我係唔會放棄,因為我好鍾意揸電單車,但之後會小心 d 揸

肇事原因及教訓啟示:
都係果句(小心 D 揸), 特別係天雨路滑時候, 同埋唔好咁自大好似平時咁訓灣