駕駛車款:            CB400VTECIII
製造年份:            2004
意外種類:            自己炒低
車主:              然
　

事發經過:
一晚01:30a.m.左右,和一朋友由大帽山荃灣上山,由山脚巴士站起步,我朋友駕的是tzr250[V2],當時還有一名女乘客坐我車尾,一起步己好快唔見咗V2尾燈,我立即瘋狂扭油追,沿途沒有任何雜念,只有一定要追到對方的心情,搏晒命加速,最高時速有120h/km-130h/km,收車入彎都成110h/km,每隻彎都磨腳踏,車頭兩邊擺,極不穩定,但當時情緒極為高漲,沒有一點恐懼,可能喝了酒的關係,所以非常興奮同投入,就好似上身一樣,車住人都當冇件事,終於在一隻較急的彎道中炒埋壆,車一早已經瞓到無可再低了,所以大波out,咁就炒了.

人命財物傷亡損毀:
女乘客右腳小腿磨去表皮,手背擦傷少許,未傷及骨,本人全隻右手磨去表皮,右膊及右胸亦然,左前臂,左膝及右膝亦磨去表皮,亦未傷及骨,車子損毁嚴重,頭义,尾擔,車架,尾避震,頭燈,咪錶,尾喉,把手,腳踏,引擎......總之全車報銷.

當時感受:
肉體上只是痛,但心靈是內疚,十分慶幸的是女乘客只受輕傷,她沒有怪我,沒有半句怨言,我更是唔舒服,一世欠她的......

事後影響:
不便透露,但沒多大影響.

肇事原因及教訓啟示:
此意外中,給我最大教訓的是,車住人真係咪亂來,快都要喺安全情況先至好快,唔好車住人忘命飛車,萬一出事,抱憾終生,如說到肇事原因,我知道係車種問題,如果當時我係揸啡呤車,我一定唔會炒,因為街車同啡呤車的前傾角度,轉向角度,重心分佈,坐姿等極盡不同,當時我揸的是街車,人未到極限,但車已到極限,肇事的人為因素是太進取,好勝心強,車種不同而帶來不同特性的理論也不顧所致,教訓是有的,開車前唔好飲多,車住人唔好喪飛.

鐵騎快語：

你話你飲左酒......重要載住人飛車....阿仔，唔好害人.....(下刪一萬字)