駕駛車款:            CB400
製造年份:            1992
意外種類:            自己炒低
車主:              型格浪子
　

事發經過:
話說之前架車有d事....今日拖左去旺角整...整完正渣車番屋企食飯,係油站入完油之後左轉上培正道...........
由於唔係太熟路(平時多數行衛理道)加上有少少分心(諗緊頭先整車d野),完全睇唔到有燈,衝到出去培正中學對開個大黃格個位,對面線一架貨van轉由培正道右轉入民豐徑,當我發現個時已經太遲,人地架車已經打橫係正我架車前面不到5米.....即刻落brake 扭右.....最後自炒.....落地人車分開 ,冇咩太嚴重既傷.....架車就......=.=
個拖車呀哥都應該幾神奇 ,一日拖同一架車兩轉,一轉完好無缺 ,一轉爛晒

人命財物傷亡損毀:
我啦 ,貨van司機啦 ,我架車車頭爛晒囉,仲有好多野都爛架喇 ,油缸花左....仲有好多好多細微野爛晒啦....黑媽媽個人又痛 ,冇check得好清楚...冇左幾千蚊都唔使旨意落樓.....

人地驗屍咁驗一輪原來架車個"湯"門下面有條沙板既類似物體凹左囉.....
即係要賠錢囉.......

當時感受:
右邊手指公冇左忽皮 ,手掌磨到起水pop ,前臂內側磨損左一忽,右邊腰位又磨損左一忽,左手,背 ,左腳分別有輕微擦/撞傷

個人一炒完已經立即彈起身走埋路邊,架車就訓係地等警察到
等緊既同時仲有好多路過既學牌電單車經過,唔知會唔會嚇到佢地唔敢再學落去呢.....

事後影響:
事後......冇咩野既,差人到囉,問我去唔去醫院,初初真係痛痛地諗住去,最尾原來話去左分分鐘比人告不小心駕駛(我個p牌掛多兩個月就甩.......=.=)諗真d 唔好制喇 ,唔要白車喇 ,人地又冇咩大損傷,人又冇咩事...大家另外和解算啦.......一開始有架路過既eu車入面有個cid既物體都好好人,同我傾下計,拍下我搏頭咁,之後黎幫我正式做野個鐵馬呀sir都好好人 ,幫我扶起架車啦,講得清清楚楚我聽如果我點做智發生咩事咁啦 ,又同我傾下計啦...不過我唔記得左佢咩num

肇事原因及教訓啟示:
原因? 衰"行路上廣州"囉....咁大隻燈都冇睇到,剩係掛住諗野(真係,你做乜諗野呀?) 同埋想番屋企食飯...

啟示....嗯.....渣車唔好分心啦 ,唔熟路再渣慢多dd啦, 點都好 ,唔好唔記得帶手套啦等等等等

其實我全部都知.......不過就係一時疏忽囉.......