| |
駕駛車款: VINI 150
製造年份: 2004
意外種類: 車輛碰撞
車主: 華仔
事發經過:
05年6月2日 雨過天晴
6月1號夜晚收工去拎車,6月2號返工炒車..我呢世都會記得呢架車
1號果晚因為拎車攪到好夜,2號朝早起身遲左,
個人一急就死得人多.事發係九龍塘窩打老道對衍道燈位,
獅遂落窩打老道天橋大長龍,就一路攝,攝呀攝,
攝到燈位前大約4-5個車位,紅燈轉紅黃燈,其他私家車準備開車,
我都心知不妙,點知..係我右邊真係有架私家車睇我唔倒,一起步就秋頭出黎,
我比佢撞到正,而我左邊就有架大泥鬼..我就咁就比佢撞抵左,
當時我個頭離開泥鬼尾碌唔夠兩吋,我預左無命...咁好彩,
泥鬼私機睇倒我,我估佢當時行緊10-20km,好在佢睇倒我,唔係我都冇機會
係度墳炒車報告,當我知道逃過大難之後,我發覺我隻左腳比架電單車壓住,
郁都郁唔倒,我叫""救命"",竟然冇人理我..足足比架車壓住左幾分鐘,
泥鬼司機終於落車,我叫佢幫我扶起架車,我隻腳比架車壓住,
佢就幫我扶起部車,此時..私家車司機終於落車,我即場拜候他雙親,
我問佢做咩唔落黎幫我扶車,佢話驚我死x左..我又拜侯多佢娘親一句,
我死左就唔會叫救命啦,我即刻拎個電話出黎報警,因為當時都唔係好識野,
搵D警察黎幫下手都好..點知D警察一黎到就話我攝車,如果我要睇醫生
就會告我不小心駕駛,我當時仲係P牌,唔想冇左個牌,就冇去睇醫生
人命財物傷亡損毀:
私家車..AE 100 後座左邊車門小花,大泥鬼絲豪無損
本人左腳腫到豬頭咁,如果唔係著住對安全有筒鞋
(因本人做地盤,所以要著安全鞋)我諗隻腳已經斷左..
衫衫褲褲爛得既都爛晒,冇帶手套,隻手竟然乜事都冇
新車落地10個鍾頭既愛車就變成一堆廢鐵,車架嚴重變形,
座位後面既野全部散晒,零零碎碎咁係地上面..前叉外向灣曲
當時感受:
心痛身痛苛包痛,
打比女友話比佢知我炒左車,好大鑊,佢工都唔返走黎陪我,
先知道人間原來仲有溫暖..
事後影響:
車就一定照攝,不過見倒大車就一定會停,唔攝住,除非有足夠空間
休息左三個月,到而家先完全康復..呢次太大鑊,冇同屋企人講
肇事原因及教訓啟示:
知道左馬路上面乜都有可能發生,而家渣車睇晒8面,
有危險既地方一定唔會博,唔會懶有型行頭位攝車,後面成條車龍隊伍跟住果d..
而家做隊員多
|
