駕駛車款:            big one
製造年份:            1993
意外種類:            車輛碰撞
車主:              星
　

事發經過:
12月10日晚上6點--7點.同個車友起大帽山玩車.由於上山時距帶路.落山我帶路.就落緊石崗的方向.開頭時用緊三波落山.之後無啦啦多腳用左四波.哪時心都想會唔會用返3波好呀.但無轉返波.就系噤落了.開頭哪兩個灣都無咩事.但後來個車速覺得真系快左.想收返慢車時都來唔切之後又來一個c灣.點知真系收都收唔切.思想一亂之下.又太早入灣.又訓得唔夠低.就入緊半個灣時心知不妙了.哪時都想.死喇.今次真系撞了.眼見架車系噤波out出去.但自己又坐起架車度咩都做唔到.系噤拖尾迫力.又輕輕落頭迫力.自己就系噤坐住起架車度開緊七八十公里傾斜度45度入緊灣睇住撞埋路肩度.真系撞了哪一刻.又想.今次真系人車分離.自己飛上山死了.唔死都重傷.就系撞的一刻聽到頭尾車胎發出撞擊而磨擦發出的極響聲音.撞到時真系想唔知架車會唔會反上山去.但系我一直都系度想.真系連人帶車飛上山我都會留到最後一刻先跳車.由於撞的一刻我都系傾斜度45度一直入灣.我自己入灣時都知道車速太快.如果拿得返直架車一定收唔切撞得仲勁.可以話連架車都當殘鐵..最後我真系唔敢相信.架車45度角高速入灣就好似頭文字d一樣行渠道而去噤樣.入完灣去返直路時架車問題又來了.由於頭尾車胎食正條路肩的90度角.架車拿唔? 嬧?車的軑盤就系噤兩頭"了"捉都捉唔實.後來又系噤拖返尾迫力少捉得返住...個人才無事.最後架車都救得返.真系好驚.撞完我一刻又想起.死喇.頭鈴會唔會爆左呢.真系好驚架車有事.

人命財物傷亡損毀:
最後返到屋企樓下檢查下.證實系人車都無事架.真系拾返條命

當時感受:
睇住撞都無法.自己哪一刻要做的都做左了.希望的更系救到車先救到人架啦.自己點都系坐起架車度架嘛.如果一早就想跳車的話.我自己又傷唔知會唔會重添呀.架車仲傷.橫死豎又死.點解唔博下呀.

事後影響:
事後跟我車尾的車友同我講返.距話見到我一入灣就知我入錯灣.距都知我撞硬的了.距都想.今次死喇.打定999都得喇.哪時距見我噤就收慢架車遠離我好多.距怕我真系出左事就同我圍堵住0的車.怕後面有私家上撞上來.距仲話我車胎撞左三下.我真系唔太清楚.我就知最少撞響左兩次....哎.自己都系得一年車經驗.而車友有二十幾年.自己都系唔好玩到噤激.以後漫漫長路.真系唔想一次過玩完距.都唔想自己有0的咩身體受傷

肇事原因及教訓啟示:
用錯波.四波落山真系等於空波.應該二波三波常常轉波.