|
駕駛車款: CBR400RR
製造年份: 1998
意外種類: 車輛碰撞
車主: 搖滾PK仔
事發經過:
話說我渣住架CBR400RR去到荃灣海興路迴旋處近（有線電視附近），響屯門公路斜路落到黎路口停車等出的時候，突然後面嘭一聲，之後我架車向左邊訓底啦！
我即刻跳起，但都走唔切左腳被夾，好在唔係好傷，都係擦損。起返身後即刻小個七人車司機，心諗，有冇搞錯，我停定左一兩秒你都隊埋黎！
佢落車時個人呆呆下，好似未訓醒咁，都費事鬧佢，坐返底睇下隻腳，因為都幾痛下，跟住有個大馬黎到，落車第一句就問我使唔使睇醫生，我響樹考慮緊既時候就已經聽到佢係咁鬧我，又話我唔除頭盔、又話我冇用、又話我唔小心！之後我話唔去醫院仲走埋，乜都唔記底。
人命財物傷亡損毀:
我架車.......牛角彎左，頭fork有少少咩左，波箱入唔到波，著唔到車，引擎蓋花哂，總之左邊身突出黎既都爛左......
人就兩隻腳都擦損哂，冇乜大礙。
當時感受:
其實自從上次炒鑊甘之後，我都抱住當全世界司機都係盲既心態黎渣車，點知原來仲有啲司機係傻既.....望住你架車停左響度都仲可以隊埋黎。
另外對於警察處理呢啲意外既態度十分不滿，完全冇打算去了解件事係點，就亂咁鬧人，只係識得追問我報唔報警，仲要最早走人！感覺有點委屈.....
事後影響:
諗緊點解會又係我......我渣車唔小心咩？追尾到底我有咩地方做得唔好？定係自己唔適合渣電單車？......=.="
肇事原因及教訓啟示:
以後停車前要望埋後面囉....... 鐵騎快語：
有說「一不離二」，希望沒有「接二連三」吧....
【鐵騎會館】現場討論
|
