駕駛車款:            VFR 400
製造年份:            1991
意外種類:            自己炒低
車主:              夏里遜
　

事發經過:
收工趕返屋企，城門隧道往沙田方向，一出隧道過完灣位入直路落大斜，超完車行返入快線，起碼行緊80公里或以上，突然間成車跳起，感覺撞到硬o野，兩輪飛起估計有一尺再落地，架車左搖右擺，完全失控，好在一大段直路，保持平衡之後，慢慢比油，仲可以繼續行，到無咁驚個時已過沙田火車站，知道有事但架車仲行得，只有繼續行，行得幾遠得幾遠，吐露港都飛成百公里或以上，返到大埔入完急灣收車停紅燈，慢車時架車又左搖右擺，無曬轉向，好驚之下未到燈位停底架車，完來頭輪無曬氣，再睇真完來頭軨炒到變左形，尾軨都炒到少少，想推返屋企停車場，不過太重推唔到，最後只好行軨無得轉灣咁捱到返車場，第二日搵拖車去車房修理。

人命財物傷亡損毀:
生命保貴，感恩無跌車，人就無事﹔架車就頭尾軨都炒曬，好傷！頭軑都...

當時感受:
超驚！當時只知道命仔緊要，盡力救車，跟著諗到高速公路上，停車可能比唔停車更危險，專心駕駛先，有乜都返到屋企至算。

事後影響:
依家講返都驚驚地！為左繼續駕駛電單車，第二日再返現場搵出原因。至於家人都唔敢講，怕佢地膽心。炒車後一直唔開心，直至一星期後見得返部車，不過之後到個銀包唔開心 =(

肇事原因及教訓啟示:
原來當時路面有個難渠蓋，外圍石屎難曬，做成路面有個深洞又凸起幾寸渠蓋。立該至電路政處，免其它人有意外，不過都要摞車同日至修好！經一事，長一智，無論點心急，駕電單車一定要留心﹔有意外發生，盡量控制情緒，生命第一，驚係救唔到自己。