駕駛車款:            an150
製造年份:            1997
意外種類:            自己炒低
車主:              馬騮仔
　

事發經過:
地點：沙田西田pizza hut 同帝都酒店中間條路前嫁一個左灣自炒。當日我在新城市停車場以時速六十公里超車，臨到左灣，拖一拖尾制就諗住入灣，當時入彎都好順利，但到準備出彎想俾油時就唔知點解失平衡派牌，最後人車分離。

人命財物傷亡損毀:
車左面花左
人就擦損手腳(好彩當日有d涼意，所以我著過件厚縷同牛仔褲，不過就貪方便冇帶手套)

當時感受:
當訓底個一剎那真係完全無感覺，因為都唔知發生咩事，訓底之後唔夠兩三秒就起身，執番部車。

事後影響:
事後真係有陰影，每逢轉彎都收到好慢(一定唔超過三十)，仲唔敢訓彎。後來去睇番點解會派牌，發現原來條路中間有一個洞，我估計當時應該臨出彎果陣尾輪食左落個洞到，搞到甩尾

肇事原因及教訓啟示:
剛拿牌十日都未夠，因為自己學車時冇跌過車，加上一次pass，所以個心好雄，
真係唔好懶型訓彎，同埋真係唔好開咁快，因為你開得越快，你就唔能夠留意路面嫁情況，因為我地兩個輪真係好受路面影響，只要條路有少少沙，就足要令到你炒車，同埋真係要帶手套。