駕駛車款:            06CBR150R
製造年份:            請選擇一項
意外種類:            車輛碰撞
車主:              jimmytam

事發經過:
P牌新仔比架的士夾埋入油站
星期日清晨六點拎鍾，渣華道東方石油 油站對出,我和他一齊行緊慢線, 佢過左少少快線 (條路得 2 條線) 我諗住佢轉過快線 (無車) 我見四圍都無車, 咁我便比油諗住過佢啦 (KEEP 住慢線)~~~點知佢一個反軚, 唔打燈, 唔印 BREAK, 一野 COME 埋黎, 夾埋我入油站, 我連 BREAK 都未來得切反應, 比佢夾住入埋油站先停低.

人命財物傷亡損毀:
車輛: 我架 06CBR150R 和的士
我就比佢夾埋一齊入左油站, 佢左邊車尾 (車尾箱位置左右) 粒左, 快左
我就 FAIRING 爆左, 右鏡斷左 (仲要比佢個 LOOK 壓住) 機件無乜影響. 好在仲有左邊鏡, 仲可以渣返廠.
右腳壓親下, 輕微"如" 左少少 ~~

當時感受:
我當時馬上 X 佢, 有冇搞錯啊? 又唔打燈, 又唔印 BREAK, 一野 COME 埋黎 ~~
我講, 我已經在你左邊鏡, (專登唔在佢盲區) 佢話佢見到我, 但見到你在好遠, 唔知我咁快沖左上黎 ~ 我諗佢望一望鏡便望住個油站轉入去, 油站入口又係好 CLEAR, 乜車都無, 所以無收車, 因為條路得我同佢, 佢認為咁少車 (可能跟本唔當我係車) 所以唔駛打燈啦 ~_~!!

最後, 搵左個第 3 者看, 點講都好, 看現場情況係我唔著數, 我在左邊"隊"佢尾, 佢可以話我左線扒頭 X_X 我又 P 仔, 一定話我唔夠經驗啦, 再者, 實加硬 P ~~ 最後和解收場~~

事後影響:
無得渣車, 好唔開心, 新車落地唔夠 3 個月便炒到入廠大修.
傢下無得渣車, 做野唔太方便, 交通費貴左好多 (平時 $0.3/KM, 傢下 $7/KM :'(  )
車行話零件有排訂, 幾個月一定要, 唉 ~~ 有排都無得渣 ~~ 個彩個人無乜事, "如" 左少少 ONLY ~~

肇事原因及教訓啟示:
記得唔好跟人左邊, 淨係記得唔好在人地的盲區, 唔記得左線唔可以爬頭 (考試有考) 以後都記得過人要在右邊 ~~ 人地一野 come 埋黎, 好似搞到左線爬頭咁, 無著數, 以後見到搵食車要特別小心, 的士佬一見到客, 通常都急停, 跟車時留意係咪跟口 OR 油站, 一陣又好似今次咁, 條友偷少少位一野反軚入油站 X_X (仲以為佢過快線 ~_~!!)
唔同跟車太貼啦 ~~ 老實講, 自己都有錯, 如果唔係跟咁貼 OR 諗住過佢, 便唔會咁 ~~~ 自此之後, 以後渣車更小心 ~~ 人總是經歷過先吸取到教訓 (可能我比較犯賤,係要衰過一次先知衰) 學車時都有學, 保持安全距離, 如果做到, 話知佢入油站定打白鴿轉, 都應該停/避到佢 ~~