駕駛車款:            FZ400
製造年份:            1997
意外種類:            車輛碰撞
車主:              燎
　

事發經過:
9月中係屯門公路抯車返工 , 見前面D車開始有車龍同慢車 , 咁當然慣例ZIP車 , 同一架紅色既羊一齊ZIP , 去到近小欖時 , 估計錯左行緊快線車既動向 , 唔夠位ZIP而車速又停唔切 , 左手車太BAR就咁撞到係中線既"蜜斗" , 車被強行扭左車太直HUM架密斗右面車身 , 堂車太不斷係到了 , 因為撞左車之後架車反彈向緊快線 , 係快線同中線不斷了 , 印象中好似都HIGH到快線閘我哥架車 , 之後就架車向右派啤牌 , 個人係地拖....

人命財物傷亡損毀:
架密斗一D事都無 ,真係完全無事! 明明我起左身之後睇下架車 , 架車既車頭已經ZIP左係架密斗既右面車太下 , 架私家車"無停車"走左..可能唔知咩事? 希望無HIGH到他....我架車豬頭爆晒 , 唔知個米表哥D野有無事....我想.....要整都唔小錢...同我一齊ZIP車既羊朋友好心幫手問我有無事又幫我推車又幫我報警(雖然未服完就有警察到 , 可能前面真係有意外) , 不過推車時就算LA左CLUTCH架車都好難推, 好似有D野CLICK住... 真怕要大修..

當時感受:
我第一次炒車 , 真係好手忙腳亂 , 我哥刻真係唔知點好...扒起身之後已經見後面架羊停係到問我有無事..一看之下 , 右手無名指一段已經比個BRAKE杆壓爆晒見骨 , 勁係到BIU血, 哥一刻好後悔因為方便用穿指手套...右面腳勁痛.....其他都係MINOR 傷...好彩有個VERY有效既PK膠頂一頂起左架車...唔係既隻腳就係咁先...

事後影響:
我起左身之後一路LIN住個傷口避免再BIU血 , 一路行近密斗車門問他有無事 , 他好似唔知點咁坐係架車到 , 我就叫他一齊落車睇下他的密斗點....我哥時一路係到腳震一路講...哥野都有DD震 , 好彩架車無野 , 他又好好人又趕時間就答應唔追究..本想叫他走先 , 因為見到SUCK晒車我個心好唔安樂 , 想快D通 , 不過咁又好似唔係好O店同無保障 , 就叫他等到警察來先走...此時我真係好亂....竟答應左叫羊朋友同密斗司機把車搬去一邊...等多一條線比後車行....不過都係咁幫左我..
警察來之後問密斗司機追唔追究 , 密斗司機話唔追究 , 警察TAKE RECORD後就叫他走 , 之後問我使唔白車 , 我見我的右手指咁樣樣...無可能抯車 , 架車又唔O店.就叫白車, 住左2日院...

肇事原因及教訓啟示:
本身已經唔多夠精神 (昨晚通頂加班趕REPORT) , 令我判斷力無正常咁好 , 錯判左前車既動向. 而且...下次真係唔敢戴穿指手套...(而家 , 染晒血既手套仲留係小欖橋底....)

鐵騎快語：
露指手套係報紙小販在冬天工作先用。電單車手套一定唔會係露指。希望燎兄的教訓可以喚醒其他冇用手套或者用緊一d唔合規格手套的車友。