炒車報告

駕駛車款:            大鯊王 150
製造年份:            2001
意外種類:            車輛碰撞
車主:              Freeman

事發經過:
堅拿道天橋落斜,左轉禮頓道,燈口準備左轉時被的士撞倒,的士話以為我直去,我有打燈,條左2線可直去可左轉.

人命財物傷亡損毀:
入院照x光,骨冇事,但腰骨就好痛,醫生仲未知原因.

當時感受:
痛倒差d暈低,我再快1秒就一命鸣呼了.

事後影響:
事後長時間病假,令本人心情煩躁,失眠.
想把車賣掉,改駕私家車安全d.
康復中,快將可再上班了.

肇事原因及教訓啟示:
你不撞人人撞你,避無可避,因本人是十分小心駕駛.
請各位要小心,可以吾玩就吾好揸啦.

鐵騎快語：
無論你有冇打左燈，的士撞到你都係佢錯。不過咁講，你在左二線想轉左，但如果左一線沒有車的話，你在左二線轉左便容易引起別人誤會。

如果想轉彎，燈口起步時的車速便不要太快，在彎口前慢車，後車便會提防你是否想轉彎。如果以正常車速起步的話，在可轉彎可直去的路面時，後車便會估你直去。如果你轉彎可以唔使收油劈住入的話，後車沒你奈何，但如果你轉彎要收到好慢棟直過彎的話，後車司機便需要留心駕駛才不會撞上你。

　

你有炒車經驗嗎？ 
把它整理一下告訴大家
讓騎士有所警惕，一起提高駕駛安全吧！