駕駛車款:            鈴木GN250
製造年份:            2003
意外種類:            自己炒低
車主:              m2k
Email:       m2k@sinaman.com
　

事發經過:
下午四點幾, 寶琳路去將軍澳方向落斜, 到馬油塘對面左轉, 灣角後突然向右波勾,  車一加煞即刻向左"嘭"一聲瞓低; 原因係灣中有一條沿灣的水漬, 可能又係垃圾水嚟, 一秒之內話跌就跌.

人命財物傷亡損毀:
車新裝的護架斷柝變型, 幾乎可以報銷, 新風鏡左下位爆裂, 左邊牛角. 尾喉. 大架. 尾箱磨走了一"拂".
左腳膝頭及內側腳踝位幾處"磨羌", 膝頭位最大處約直徑一吋, 見"紅"及腫但無流血, 牛仔褲左膝頭位穿咗兩個洞, 左鞋頭無咗一"拂", 上半身好彩無事.

當時感受:
跌停後見無被車身壓實, 趕快熄安全製, 好彩後面無車. 但腳好痛, 車把設計好難用力, 只有分兩次扶車: 先用兩膝跪地扶車, 再上身推直架車, 扶咗好幾分鐘, 好彩後面左轉車看到我避開.

事後影響:
地上留下一攤電油, 伴著一個孤單可憐的跌車人. 扶車後定一定神先至見到灣角有一條沿灣的水漬, 一定係我前面的車留下. 等地上電油乾了, 車著到慢慢走人, 都係返家睇下傷成點, 不過唔明點解會咁樣同咁突然就冼低?

肇事原因及教訓啟示:
車速應該唔係過高, 落三波轉灣, 又係行熟悉的路段, 抄車原因:
(1)看唔見水漬
(2)加落斜灣灣中煞車
(3)再加天氣凍, 精神唔係咁好
(4)約左人心急
(5)再加頭胎起角到期 (代理話六百幾元, 有時都要制).

兩個轆都係危險些, 路面上暗藏陷阱, 明又多殺手, 人同車確保精神先好抯!