駕駛車款:            Honda 150
製造年份:            2003
意外種類:            車輛碰撞
車主:              吉仔

事發經過:
當時路面有三條行車線, 由於前面有架超慢車, 於是我 Cut 去中線, 行左一個車位後再去三線, 當剛剛入到三線後, 特然有架的士從右邊攝出黎, 就甘炒左....

當時有位好心既途人幫我報警, 實在好多謝佢. 呢件事我一路都認為自己冇錯, 直至落口供果陣 阿Sir話可能告不小心駕駛, 阿Sir以私人身份既解釋係: 你太短駏離Cut兩條線,同認為我o係第一線回頭望鏡出中線後, 再出三線係冇望鏡.

因為佢話憑雙方提供既車速, 計到架的士o係你一線出中線時應該係o係你盲區, 由於條路設計既關係, 係你回頭都會見唔到既盲區, 所以你去到中線就好自然以為冇車照Cut去三線, 而的士由頭到尾冇 Cut 過線, 所以係你進入的士既主權線而導至車禍, 所以係你錯. 到最後真係告我不小心駕駛, 冇左幾分同幾舊.

人命財物傷亡損毀:
的士左門凹左, 我就爆o西啡檸, 即場送院,照完X光冇骨折 "Full"藥後出院, 右腳最傷右手皮外傷,好彩有手套同 Full Face. 肉體感受到一個字.....痛, 心靈感受到.....又炒(早兩個月先避唔到石頭炒左) :(
阿SIR話如果當時果架唔係的士係大車就大件事啦, 勸我以後都要小心D

當時感受:
Wing Wing 地, 個人好亂 ,直至上左白車先定D, 由於o係正消防局門口炒, 所以好多消防員出左黎幫手, 好多謝佢地.

事後影響:
家人同女友都即時話唔比我再渣, 我答: 我唔係要型唔係要威呀, o個個係我既信心黎架,
我今日渣唔返車, 我以後做乜都唔會成功架. (改編自烈火戰X) ^^ haha
其實我冇作出任何反駁, 因為我都唔想佢地再擔心我, 而我自己亦覺得玩又玩過, 開心又
開心過, 炒又炒埋, 所以都決定聽佢地講.
朋友亦問我唔係甘快收山呀, 新牌仔新車落地兩年都未夠, 我答: 我認輸啦, 我係驚左.(亦係改編自烈火戰X ^^v)
其實好老實講, 我真係冇左渣電單車果份信心, 尤其特別係好番之後返工搭車果陣o係高速公路望番D電單車, 我直情係有少少離心既感覺, 同埋撞車果一o下"鵬"一聲立即o係腦海浮現, 好可怕, 我真係驚左!!

肇事原因及教訓啟示:
今次炒後, 回想都覺得自己平時渣車都好小心, 轉線每次都會回頭望清楚, 亦冇開快車亂o甘飛既習慣, 但有時D野係一丁點出錯就足夠炒車, 我興幸自己兩次意外都係小事, 但一個唔好彩可能係輕則訓醫院, 重則大吉利是, 所以渣老電係要一百個小心, 小小出錯都唔可以架, 仲有就係千其唔好心急, 好易出事架.

我亦想同D P 仔 P 女講, 要點靚點型都好, 安全措施係唔少得架, 果D半個西瓜皮救你唔倒架.

最後想再次多謝o係呢件事幫過我既所有人, 多謝您 !!!!!

鐵騎快語：
老編實在見太多新牌跌過車之後怕左唔再玩電單車，其實真係好浪費。如果你未有私家車牌，有時間去考番個，再吸收多d路面經驗。