炒車報告
　

駕駛車款:            HONDA FUSION
製造年份:            1993
意外種類:            自己炒低
車主:              傻仔

事發經過:
大約四月清晨濕地,一架全車翻新萬多元既錢七錦羊,沿馬頭涌道向官塘方向,駛到幾乎到宋皇臺道交界燈位時,當時交通燈綠色兩邊行人路鬼影都唔多隻,而我行緊快線因為當時濕地都唔敢開咁快大約三四十睹,正當仲有四五個車位就到燈位時,突然消防局側邊條巷到有個阿伯望都唔望衝出馬路過對面馬路,

我見到即刻響按收車,但係個阿伯完全冇理我,繼續係咁跑,當時我又冇得閃避又濕地我心諗今次唔係阿伯屎就我屎,最後屎o個個當然係我啦,因為我選擇左大手大腳迫力停車,之但係停之前派左,我碌左落之後我見到架車訓低左o向地下出哂火花向前滑行,跟住停左o向響個阿伯側邊度,

但係個阿伯真犀利完全當冇事發生過咁繼續向前跑過對面馬路,我仲好記得我當時o訓o左馬路個阿伯仲跑緊過馬路完全冇停低睇o下我屎唔屎得,只係用一斜視目光一望,而我覺得好似阿伯想同我講:「傻仔乜你手車咁屎o架咁都炒!仲有阿伯我跑得好快o架!!」

人命財物傷亡損毀:
阿伯、我架車、那條濕滑既馬頭涌道。

當時感受:
好痛,肉又痛心又痛。

事後影響:
返早經過都驚有阿伯跑出o黎!

肇事原因及教訓啟示:
打多十二分精神揸車(即廿四分)!!

　
　

你有炒車經驗嗎？ 
把它整理一下告訴大家
讓騎士有所警惕，一起提高駕駛安全吧！