駕駛車款:            B&W 150
製造年份:            2001
意外種類:            自己炒低
車主:              三十而立

事發經過:
晚上九時，當時下著微微雨，道路暢通。地點為漆咸道北，西行油麻地方向。我行慢線，已打燈、收油，準備左轉入蕪湖街。突然中線有一架『紅的』，見我會左轉，佢就過雙白線急切入慢線，然後停在紅燈前的車龍尾。佢架車因此就『偷』前左一個車位。但係我隻羊就唔夠位轉彎，加上路滑，只有焗住『派』低。

人命財物傷亡損毀:
結果我右腳擦傷，流血。架車就花曬。的士佬就偷笑，一見綠燈，加油走人。

當時感受:
其實自己人包鐵，上得車，就預左。不過的士佬咁自私，駛唔駛顧收尾幾年呢？

事後影響:
我從此『勁』憎的士佬，小巴佬等胡亂轉線之人。

肇事原因及教訓啟示:
以後出街見到的士佬，唔駛客氣。

鐵騎快語：
初步睇來，的士佬當然不對，但閣下的駕駛技術也似乎稍有不足。唔夠位轉彎唔一定會跌車。其實有經驗的駕駛者跟住你行一段路仔，或者轉一隻彎，己經知道你有幾多料。好人的會就下你，但唔好的人就會蝦你。

遇上這類交通事故，如果你相信責任在對方，可以記下對方車牌，向警署投訴佢，或向專業索償公司尋救協助。