駕駛車款:            @150
製造年份:            2003
意外種類:            自己炒低
車主:              蜜棗兒公主
　

事發經過:
0係沙田富X花園停車場條斜路炒底~當時準備轉彎上斜路~點知可能比得太大油,又無偷少少位掟彎~所以搞到好似抯緊fairing車咁~瞓彎~就失平衡~跌落地~比架車夾住我隻腳~

人命財物傷亡損毀:
本來係諗住同個老友一齊出車~見個老友叫我上住佢泊0個個車塲等埋佢一齊出~點知樂極生悲~最慘係新車落地日=炒車日~就咁左邊指揮燈爆0左,同埋左邊豬頭花埋~好彩有個好好人0既大叔帮扶返起架車~佢個仔仲帮我拾返起個指揮燈殘骸(佢個仔可能以為有得整返好)但我都係要入威記~左腳腳眼仲爆埋骨~要打石膏

當時感受:
炒底0個刻只係知道隻腳比架車夾住0左好痛~0係咁叫我個老友帮我抬開架車~之後都知大事不妙~但無諗過會咁嚴重~但都仲清醒咁叫我個老友打3條9~最慘就係架車當日先落地~新車搞成咁~個差人叔叔仲叫我快趣賣0左架車佢喎~話架車黑住我

事後影響:
無得返工~雖然呢件事唔係令到我好驚~我好返都仲會抯~但真係唔敢去CHECK車~因為實在太核突~咁快架車就搞成咁~

肇事原因及教訓啟示:
有人話我算好彩~但我就覺得我都幾黑~但由頭到尾自問技術唔好~唔關架車事~我就唔會覺得佢黑住我~但此後我會好認真抯車~