駕駛車款:            et8
製造年份:            2002
意外種類:            車輛碰撞
車主:              黑豬

事發經過:
平時無帶開手套，點知個日天氣冷就帶左對防寒手套，點知咁就出知，轉左個彆跟著一架７人車，７人車前面係的士，的士突然打死火燈上客，７人車又停，收制不及，就咁出事了

人命財物傷亡損毀:
的士黑人憎，手套累事

當時感受:
好無耐

事後影響:
好彩個人一ｄ時都無
架車頭沙板ｔｏｔａｌ　ｌｏｓｔ

肇事原因及教訓啟示:
撞去７人車時重心去前,架車食灑ｄ力,個人可以放低架車,好彩後面無撞到我,唔係就做三文治架啦
教訓都係唔好跟車太近啦,仲有電單車都係加死火燈好,有咩事著左後面都會睇到,唔係後果都幾．．．．．．

鐵騎快語：
的士突然停車上客，唔係冇跡可尋。起碼有人截車佢先會停。七人車停得切，點解你會停唔切？睇你寫的文章，估計你的駕駛技術好打有限。導至撞車的主因唔係跟車太貼而係道路警覺性不夠高，看前景不夠遠，預見能力差所至。預留跟車距離，制定逃生路線，學車時阿Sir都教過，你做到幾多？你話你好無奈，咁七人車司機咪重無奈？佢無做錯野都要俾人隊一野喎？

另外補充一點，電單車手套主要作用唔係禦寒，而係保護你的手掌和手指。戴手套係開車前指定動作，有起事上o黎擦爛對手套好過擦爛對手掌。你一定未試過手掌擦傷後洗手洗頭都唔得的痛苦。

如果你話對手套阻礙你的操作，咁就係對手套唔適合你戴，要換。一對合規格的電單車手套，係唔會影響手感和操作反應。

如果你話老編串緊你，應該話老編鬧緊你至真。你出左事都未知問題所在，先會迫使老編打一篇重長過你份報告的鐵騎快語。一年之後(如果你仍然有駕駛電單車的話)，再睇番呢段文，便不會有現在氣憤的感受。