|
炒車報告 |
|
|
駕駛車款: YAMAHA XV250 製造年份: 1999 意外種類: 車輛碰撞 車主: TIMOTHY 事發經過: 十一月八日早上開工,由龍翊道快線東行入官塘.去到近鑽石山,遠望四目無車只有快線有三部車.特然快線頭一二車無端端打死火燈停低,跟住第三車一齊停低打死火燈.我見重有十多個車位先到咪慢慢咁由五波(不超過70km)轉四波再轉三波加小小尾break.就咁,覺得個尾有一陣好大的力推左我落地,跟住部車再自己流前撞左落架第三車度.而我當時就在地上滾了好多個"滾返".重滾左去中線.而部車就在撞到前車尾pumper 後滾左去中線.引致當日要封路近一小時.(如當日有人行經,小弟千萬個唔好意思) 人命財物傷亡損毀: 前面一部七人車尾pumper"笠"左,我自己部車就無留意啦.因為係公司車.只知訓左在中線. 當時感受: 我起返身,覺得好好彩.煩忙時間竟然成條龍翊道都無一駕車沖上來(不包括意外後).我重可以慢慢行返去慢線同收拾返d個人財物. 而我個人全身由下巴,至腳都擦傷.由其上半身好傷,要日日去醫院洗傷口.痛到訓唔到.重要休息左成個月先可以活動得好d. 事後影響: 公司而家唔使我楂車直至我完全康復,但而家坐車總之係前座都有少少驚. 另外政府而家話要告我不小心駕駛,不過算啦,我打算扣分罰款了事. 肇事原因及教訓啟示: 我完全唔知咩原由令我炒.但當日出事後等緊警車時,發現個段約前後十米連續有三個"坑渠蓋"唔知係咪原因.另外再諗一諗當時頭二車在快線打死火燈重停車,而見到引致左交通意外之後又可以好高速咁開走.又唔似係壞車,咁"你地想玩咩呀?第三,係我最無引的,我當日炒完車出院個阿sir已經即刻叫我盡快去落口供,我話我雖則可以即日出院,但傷得不輕可以遲一點.佢就話如未能在指定時間來落口供"政府可能會收返手續費"!!!!!!!!! 而在落口供當日佢問我點解會炒,我話懷疑係路面d"坑渠蓋",佢就立刻"停筆"加"變臉"叫我"諗清楚先好講"重用左約十分鐘時間話左一個佢在附近地點炒車的故事給我知道. 最後我屈服左係政府d公物之下(即係個阿sir同張口供紙之下),我炒係因要我太重break啦.反正點都係扣分罰款架啦.
另外我想同架七人車司機道歉縱使佢未必睇到,因為我知道佢當時車緊D公司同事趕緊時間去開會.唔好意思. |
|
|
你有炒車經驗嗎？ |
