駕駛車款:            CB250
製造年份:            2002
意外種類:            車輛碰撞
車主:              阿進

事發經過:
公司車(類似煤氣車)在金鐘道五線行車,左三線入皇后大道中去西環或入西隧,右二線入滙豐總行立法會個度(不記得街名)我行快線入皇后大道中,的士佬(沒有載客)強行在入滙豐總行前cut返入我條快線.因我要停燈位收慢,咁佢就"隊"左去我右邊側箱度.但因為車速不是太快所以我立即拖抵兩個波同煞車.因些人沒有事車也沒有跌.

 

個的士司機沒有下車只是開一開window問我有沒有事.我沒有答佢,因個人還沒有定下來,只係問佢一句"乜你見我唔到咩"佢就話我駕車飄去佢度避我唔到.但我話你係左沙版撞我車尾,重話我有問題.跟住佢只係問我有沒有事部車有沒有事,我見部車一d野都無,而我個人都沒有咩野,相反佢個左沙版有一條20cm長的花痕,所以雙方協意車大家車牌都沒有抄抵就走了.

以為無野啦,點知過完西隧,去到荃灣三線行車因好多貨櫃車所以行中線,當時同前面一輛私家車相距一駕公共van仔距離,行了約一公里一輛的士就燈都唔打咁係慢線從個一個空位抽出來,都唔緊要因我估到佢有此一著,但係佢係過份到一抽抽左兩條線去快線.但快線個度個駕車就迫住煞車煞到快線d車大部份都響曬呔.我見咁樣,不滿的我於是以我個人之力,立即轉到快線轉用大燈在車尾照住佢跟到佢去荃灣入屯門前的路口.

人命財物傷亡損毀:

事件只有我一個人同的士司機兩名

當時感受:
覺得好不滿,點解的士佬可以好似大曬咁,邊個撞到邊個都唔好啦.大家都係揾食車.點解要咁呢.

事後影響:
一向都知要小心的士佬,今次之後我知道要更加小心.但係我都係楂揾食車,以後我一定唔會讓的士佬.各位的士大佬(我指好好個d),如看到小弟的文章,唔好介意小弟以後不再給你們一個方便,如果是你們不對,我一定報警.唔好以為我會再讓你地係小路出來.等你地d同業自己搞掂.

肇事原因及教訓啟示:
我永遠都不明白為甚麼的士佬,有載客同無載客都係咁樣的駕駛態度,咁你地同黑社會有咩分別呀.你要揾食就大曬呀.所以以後,我會減少搭的士(我一個月用在的士交通費上有五百元左右)因我放假愛到酒吧睇下波.而我楂車時會離開你地有咁遠得咁遠.