駕駛車款:            Honda VTR250
製造年份:            2003
意外種類:            自己炒低
車主:              同胞勿近
　

事發經過:
夜行米奇老鼠馬路中嬉戲

人命財物傷亡損毀:
肉體 : 腳擦傷
車 : 左邊鏡冇o左,左邊頭沙版花o左少少,腳踏花少少,左邊前後指揮燈花少少,車身出奇地冇花

當時感受:
米奇你好 X o野~! Shit~!

事後影響:
事後影響 : 唔再對米奇老鼠有任何好感 / 亦都唔會坐o個個的士司機o既車
心路歷程 : 前兩日有朋友因垃圾水導致炒車,已經提醒自己要小心開車,點知......

肇事原因及教訓啟示:
肇事原因 : 演員表 : 硬朗米奇老鼠 / 冷眼旁觀食白果的士司機 / 即Call即到老友 / 花式特技人(自己)
佈景及道具 : 左線(掘路) / 中線(行車位置) / 右線(安全) / 油漬中線加渠蓋
時間及車速 : 零晨妁五點 / 車速由 60 減至 30 左右

時發經過 : 同朋友洗完車,噴完高溫油,攝埋車鍊,調埋尾避震,之後同朋友(即Call即到老友) 去食o野,回家途中行緊中線直路(車速 60左右),突然間一隻好硬朗o既米奇老鼠由右邊走出o黎馬路右線嬉戲,冇幾耐我見佢走埋o黎我行車線時,我已經收慢架車,由60收到30,我心諗硬朗米奇應該會好快咁離開,點知我架車去到同佢大約三呎左右,佢都仲唔走開,我又唔想車死佢(衰好心), 即時抽過去右線,點知呢個時候架車因為地下有渠蓋,而且地下又有油漬,即時慢派...
事發後,附近有過等緊客o既"冷眼旁觀食白果的士司機", 睇足全程,又冇問我需唔需要幫忙,乜都冇問,只係眼望望......冇幾耐自己深呼吸o左一啖,又見冇車,就一個人推架車上行人路,之後打電話俾 "即Call即到老友" 幫手......

教訓啟示 : 下次開車要凶狠D , 一o野車到硬朗米奇稀巴爛~!