駕駛車款:            CB400
製造年份:            1996
意外種類:            自己炒低
車主:              威

事發經過:
三年前有一晚，我如常由我女朋友家裡回家，我女朋友住在將軍澳的。當晚大約淩晨一時左右，我離開我女朋友住所，我駕駛我部愛駒CB400由將軍澳到葵涌。

平時我開的車速與道路車速差不多，大約70km/h，當駛經彩虹返葵涌天橋時，我已經發覺我輛車有少少#32171;軚，但都可以繼續行車上天橋，初時我以為部車開始有問題，我就減慢車速至50km/h，在橋面時又再次綫一綫軚，當時我開始有個意識我有機會炒車，當落橋時個軚左右左右擺。

當時我第一個反應就是跳車，在地上我打了一個半筋斗，我就同自己講要快些起身，否則部車會撞過來，之後就即時起身向前跑了十幾二十米再回頭睇部車，看到部車滑行左幾米後停低，當時我睇返個情況，我在落斜轉彎位，當時都幾危險，D車轉彎時看不到我的車，我要在前面通知車輛前面有車炒低，不久好在有警車駛到來為我封住炒車條線。

跟住有警員問我知唔知成條路都有油漬，當然炒低，同時又問我需唔需要入院，我話唔需要，只是隻手同隻腳有少少傷，手提電話壞埋。跟住D警員幫我將部車推落橋泊埋一邊，重借左個電話比我打電話叫托車。

人命財物傷亡損毀:
隻手同隻腳擦損左及個手電壞左。車頭燈及咪錶散曬，整左三千幾銀。

當時感受:
炒低當時個人無事，架車就肉痛。之後個人就係咁震，隻手想打電話都打唔到。

事後影響:
炒完後個幾月都唔敢開車，之後要克服自己，慢慢左開返車。

肇事原因及教訓啟示:
以後唔敢行慢線同若果有少少綫軚就即時轉線，因為可能之前輛車漏油。