駕駛車款:            RVF400
製造年份:            1995
意外種類:            自己炒低
車主:              SIMON哥

事發經過:
4/11約5:45PM由太古坊放工約好朋友於銅鑼灣(舒適堡健身)途中道路暢通無咩車,一連過左2個燈位沿英皇道於健康中街上橋進入東區走廊前,上橋時睇睇咪錶行緊6波110KM/h仲加緊速上橋,當見到第一個灣時已作好一連串入灣動作--收油但無剎車、訓身飛跪入灣。訓灣時發覺路面不平(已經太遲啦),由於車速太炔車頭係咁跳~~收晒油都跳左出灣,當時已經作好剎車準備,預計打橫炒上「石博」時再剎車把車速減慢落返路面。當架車『跳』到埋路邊時,『仆街啦』咁Q多石仔既~~咁就打橫炒左上「石博」。

 

因為呢次都預左炒耿,所以雙手死捉住架車,雙腳夾實油缸。心係念…唔好飛落橋呀……但前碌一炒上「石博」並非我預計般結果…碰撞的剎那間引至的衝擊力把我振盪到腦海一片空白。本能反應只有死捉住架車,但身體仍然被拋起打橫撞埋「石博」,之後連人帶車一齊反彈落地下把我拖行廿多尺先停底.人車停定後,全身痛不欲生,但都可以爬返起身,第一時間把MP3關掉再看看全身有無事,企左一陣定神後,就把側架打起再把訓底左既車扶返起,見到地下一大灘機油都知大能穫,之後再去幾十尺遠找返左腳甩掉的跑鞋.係呢個時候有架運電單車既車經過停底問我"炒車啊?我現在落灣仔,係既\快\靓\正\$150幫你運落去找? ”悟郋?

 

我話看看著唔著到車先,star左幾野又著到行得返添,之後未自己走囉,點知上到東廊架車越行越慢我即刻打死火燈啦,跟住仲死埋火添star極都唔著,我念仆街啦,早知俾$150佢啦,唉~~~~我終於感受到咩叫馬死落地行,鬼叫你(姑能寒)咩推車啦,我靠左打住死火燈一路推到落銅鑼灣消防局先找friend幫手call拖車,跟住報警入醫院.

『因為數月前買左車無耐第一次行東區走廊,在某段以同樣情況下訓個S彎時,由於灣急,過右灣後左灣尼唔切訓,好在車速減慢70~80左右成功上博<上博時衝擊力極大,唔夠力穩定架車一定炒得。>落博時再用左腳頂一頂穩定車身繼續前進,好彩平安脫險,事後念返都一額汗』

人命財物傷亡損毀:
戰車嚴重受傷~~兩邊指揮燈花晒,兩邊鏡架變形成個豬頭谷起晒,兩邊鏡花晒,右側fairling嚴重磨損及爆裂,引擎位fairling差D磨穿,右邊牛角曲左,水平端子甩掉,而右側引擎蓋撞爆左.

人~~跑鞋磨穿左,3D牛仔褲穿晒洞,牛仔外套磨花左但無穿到,露指皮手套磨穿,手背/雙腳及左腰磨薑(只是皮外傷)下體及肚撞親痛左幾日(但功能正常)

當時感受:
有驚無險,不幸中大幸,咁都拾得返條命,條呔痕差2寸就落橋.

事後影響:
呢段路行過3~4次唔熟先出事.以後唔好開咁快唔熟既路.同埋東區走廊有幾個上落橋位都好危險,路面不平又大風.小心小心~~
我留底既油漬都幾灘請各位人士小心,我聽friend講都無人清理

肇事原因及教訓啟示:
渣快車野禍,唔好貪一時快感渣快車