駕駛車款:            Bandit 250
製造年份:            1997
意外種類:            自己炒低
車主:              仔仔

事發經過:
上個星期六晚上七點幾，載坐女友遊車河，入到赤柱想停一停､飲杯野。到左排骨位時，因為排骨位在對面線，需要調頭，所以叫女友落車，等我慢慢拍。點知調頭調到一半就炒低左，訓在兩線中間。

人命財物傷亡損毀:
人冇事，車都冇事。 (好彩女友不在車上)

當時感受:
矣...好無奈，炒車､仲要在女友面前炒。

事後影響:
我女友本來好放心我渣電單車，但而家口邊就經常掛住"小心d呀","唔好渣咁快"等字眼。要佢擔心，真係好內疚。

肇事原因及教訓啟示:
我都渣左年幾電單車，今次係我第一次炒，雖然係好少事，但對我黎講好有警惕。唔好以為渣左年幾車就好有經驗，亂咁黎。原來學院D基本功已經生疏(調頭､打八打等)，日常好少用到，要用的時候就用唔到....