駕駛車款:            ET發
製造年份:            2003
意外種類:            自己炒低
車主:              小小暈
　

事發經過:
當日係正正農曆七月十四日的早上6時10分,因本人前一晚玩通頂至朝早日出才返家,以為日出就冇乜事,點知都係要炒獲甘,載個朋友返香港仔屋企,經過香港仔大道海濱公園對出,當時超級極大雨,我已經慢速,大直路,前面有灘水(應該話有個灘)好似小童游泳池咁深咁濶,太大雨跟本見唔倒,一經過就搖兩搖炒底,一直扇左十幾呎先停低,跌到成地都係野,隻鞋都飛左出黎,係灘泳池仔度浮下浮下,都唔係咁敢執,因為好大浪,D私家車一經過個灘D浪打到十呎高,可想而知有幾深!                        

人命財物傷亡損毀:
手肋,膝頭,腳面損哂,胸骨,鎖骨,頸骨,右手教位傷哂!要睇鐵打,但頭部完全冇事,頭盔都冇花,後座乘客只擦損左膝頭,我哥踢士風褸,靚靚牛仔褲,手袋,CK手錶爛哂!好心痛!!架車車頭爆左,要換過,左邊屎忽凹左,左邊車身花哂,車頭花哂,左鏡飛脫,仲有好多細野爛左不能盡錄!事後有路人報警,白車警車黎哂,送左我入急症

當時感受:
買左半年倒既哥踢士爛哂,好心痛,勁心愛既牛仔褲穿左孔,心愛既手錶爛左,架車新噴一年又炒花!完全冇為自己肉體既傷而肉痛!嗚~~~~~>_<

事後影響:
都係果句,小心d渣,雖然我已經好很小心,一眼關七,但都係避唔倒呢個劫!

肇事原因及教訓啟示:
勁大雨時盡量唔好渣車,就算渣都要勁慢,慢時亦要留意地面上有如小童游泳池咁深咁&#28662;既積水!七月十四都係唔好渣車隱陣!