|
炒車報告 |
|
|
有線電視公司車 honda CB250 製造年份: 2001 意外種類: 車輛碰撞 車主: CHUN 事發經過: 在停車場出口等右轉.出口左右都有的士在等客,我跟住一輛密斗貨車.我同佢距離太約一米左右.貨車右轉車身出左一半,忽然入後波.我第一個反應係想退後,但部車載滿貨重要向前暗斜,所以我出盡九牛二虎之力都推唔到後.就喺貨車一直後退,我見推唔後就立即響長"按",但貨車司機重係無反應.就喺佢個尾掂到我個車身的時後我唯有就係棄車.最後有個天使出現 "停車場保安員" 見到我咁就立即衝前叫停駕貨車.個貨車司機下車後,問我係咪見佢後退所以緊張自炒????????? 我即時個下巴趺左落地"吓"?????????? 人命財物傷亡損毀: 佢部車當然無時我部車都無咩事只係棄車時跌左落地.我因為棄車所以人都無事. 當時感受: 無乜野,只係立即打比公司叫人來作決定是否報警.只係想到如果部車係自己的咪算囉反正部車只係花少少.叫個司機比錢我保返佢咪算囉.可惜係公司車呢.好無耐,又唔知公司會點諗. 事後影響: 因為一個職業司機長期在路面行走總會有意外,所以我覺得好平常.只係有d覺得唔抵因為如果自炒我心甘命抵.但咁樣就有d得覺得唔抵, 肇事原因及教訓啟示: 我今次領悟到就算點都好,有意外係你就係你架啦.但係各位可唔可以教我答一個問題呢個問題令我好唔心,就係我寫報告比公司申報意外個時,公司問左我一個問題就係"乜你退後避唔到咩".我真係唔識答!!!!!!!其實個人無事都好好啦.另外如果我楂個架係寶馬有後波個隻可能會好d啦,但個部係cd250呢.咁就算我退到後但又撞左落後面部車度咁又係邊個負責呀?????咪又係我.而家係我無耐咁出意外,點解重好似係我有問題咁呢.唔通我應該要用我的血肉之驅去保護公司財物攬住部車一齊共存亡先叫盡責?好無耐........好唔開心..........
鐵騎快語： |
|
|
|
