|
炒車報告 |
|
|
駕駛車款: PGM3 製造年份: 1992 意外種類: 自己炒低 車主: PAL 事發經過: 當日8:30pm去車房取車,之後去試車。我上完大帽山之後返屋企，點知我在返屋企條路，當時我用慣常的速度入灣。突然間我在灣心,感覺到尾輪向外甩.咁我試下救車,點知一救就成個人拋起。之後就人車倒地.................我起身之後,嘩..成手血.第一時間call拖車之後call埋我女友話抄左..,我最後同拖車司機商議之後先決定報警..... 人命財物傷亡損毀: 我自抄,我手腳損了.最慘冇戴手套,隻手好痛.雖然隻手痛,但膞頭仲痛。最後就知原來鎖骨斷左。 當時感受: 當時感到大檸樂....第一時間睇下部車點樣,點知手傷左唔夠力扶起部車。我立刻感到人情泠暖,因為在我後面揸AE110既司機.佢幫我扶起部車..而且仲有好多司機問我需不需幫手....我真係萬二分感激!!!我當時仲諗,如果再快d拋過對面線就死得 事後影響: 我依家仲未有陰影。不過我日日去洗傷口,就覺得好痛。我鎖骨斷左起碼休息6個星期。我當時諗部車唔係我得個名，我怕會police告我冇有效第三者保險,而且我又係p牌..我本來唔想報警..不過我覺得好痛..最終都係入急症。而且police依家仲未寄信俾我，都唔知police告唔告我......最慘抄車個晚,部車剛整左4千機.依家又要整...... 肇事原因及教訓啟示: 其實條呔又熱，地下又唔濕.我唔明點解會炒....... 鐵騎快語： High-side的成因通常是在彎中開油過急所致。當車手感到尾輪側滑，下意識收油自保時，尾輪動力減少，回復抓地力後便會發生high-side意外。
|
|
|
你有炒車經驗嗎？ |
