|
炒車報告 |
|
|
駕駛車款: 學院手波車- 壽山村濕地派低 03年10月 製造年份: 不適用 意外種類: 自己炒低 車主: 牛腩王 事發經過: 上星期剛pass路試，現在分享一下學車期間的炒車經驗: 話說上完第一堂由阿蛇帶出街後，便成日心思思想再渣車；當日星期天，早上落雨，見下午停雨便去補鐘；不過唔熟路，便跟著一「索」女師姐出街，一路吊住佢尾，點知因為唔熟路，見到佢由小路轉上壽山村那急彎，突然轉上去時才醒覺要轉彎，於是立刻落腳brake和訓彎想跟著轉上去，卻因路濕打滑派低~好彩後面冇乜車....及後駛回學堂時，又因上斜急彎時突然遇到轉燈，車速雖已極慢，但遇上地上路標又極滑，滑到響哂呔，好彩重停到和沒有再派低~ 人命財物傷亡損毀: 小傷，左手及左腳磨到出血；車冇野 當時感受: 之前一路都未試過跌車，第一次好驚 事後影響: 對濕路異常恐懼，打死我都不會在雨天渣老電~~!!!已後渣車都不敢自大.... 肇事原因及教訓啟示: 濕地，要千萬千萬小心，慢車和千萬不要訓彎；轉緊彎也避免落brake...勿要高估自己的能力。小心駛得萬年「羊」~ |
|
|
你有炒車經驗嗎？ |
