炒車報告
　
駕駛車款:           
製造年份:           
意外種類:            自己炒低
車主:              古仔
　
事發經過:
今朝起身都覺得頭暈暈嫁啦，起初唸住一陣吹吹風就會清醒d啦，點知都未遇上風，咁就訓低左喇。當時岩岩出完停車場閘口，要轉個90度彎落傾路，果時條傾路經已塞緊車，咁咪唸住貪快"攝"車"啦"行囉，當插到第一條線，就見到好似唔夠位"咬"入去，咁咪"dum"車囉，當時頭轆向晒右邊，d力就壓晒去右邊 ，再加上條傾路既傾度，我唸住用隻腳頂住囉，好衰唔衰又腳軟喎(因為尋晚蹲低整車，所以腳仔軟)，最終都係向現實低頭"拎得起，放得低"，放低左部車。

人命財物傷亡損毀:
身體無損傷；車就斷左右邊腳踏，右邊鏡花左少少囉(可能係慢慢放部車落地關係啦)，溜左d電油出來；最傷就係個心，果度日日都會經過嫁，咁都跌，有無攪錯呀？俾咁多街坊見到，真係瘀到痺。

當時感受:
嘩!響依度跌低左，好多觀眾嫁喎，快d抬走部車先，仲要有咁遠走咁遠，費事俾d街坊指指點點啦！仲有好釆我跌車時"唉"落前面部7人車時無整花佢部車ja,唔係就煩喇。

事後影響:
唔好睇低傾路既傾度，d力唔多好多嫁;抬起部車後，推到老遠後剷上行人路，睇下咩情況，著極都著唔車，咪等一陣囉，襯未著唔車有d時間咪響街度睇下d趕上班既行人(女性為主)，發覺原來住響我周圍都有唔少靚女不過喎，哈哈...

肇事原因及教訓啟示:
身體不佳，都係做怎乘客好。

鐵騎快語：
撻唔著車係因為火咀濕左之故。(你呢頭跌車，果頭己經嵻緊女....有前途呀你！)
　
　

你有炒車經驗嗎？ 
把它整理一下告訴大家
讓騎士有所警惕，一起提高駕駛安全吧！