| |
駕駛車款: MIT LANCER 私家車
製造年份: 1995
意外種類: 車輛碰撞
車主: 蘿記
事發經過:
11月20日8:30pm放工時間,交通如常呆滯,行經金鐘近金鐘警署對開,告士打道西行,突然被一輛的士猛然撞向尾部.....成個蘿友凹晒...尾燈爛哂...尾泵把都掉左落地...>_<...但架的士只係爛左隻頭燈......o
人命財物傷亡損毀:
好彩啱啱果日無騎電單車,唔係訓硬醫院...*_*...架私家車由新車到依家都無乜嚴重損傷,又無病無痛,諗住一兩年後可以光榮引退...点知...唉...!!個的士佬都知道自已衰左,都主動話賠錢比我..但係架車實在太嚴重..收得少又對唔住自己,收得多個的士佬很定唔制....但由於成個意外發生經過有一名交通警目擊,無得上數....最後經過一輪交談,一致達成...賠償額$5000大元
當時感受:
一句講晒,心痛...架車唔係什麼靚車,但係跟左我多年多少都有Ｄ感情.....!!...講真..架車年紀唔細,已經唔值錢,但我又想整好佢,回廠報價..嘩~~~要皮幾野,咪仲貴過架車....唉~~鬼叫有感情咩,貴都要整啦!!咪當破財消災蘿...!!因為平時係騎電單車,啱啱果日有事要用私家車就出事喇!!
事後影響:
現在騎電單車出街都有Ｄ心理影響,好鬼驚Ｄ車神撞過黎....由期係Ｄ的士,小巴,大巴,同Ｄ大型揾食車..等等...比佢撞到真係俾條命佢....呢Ｄ揾食車神為求揾食,搶線,超車,冲燈,超速有乜做唔出,一於話之你,撞左先算...唉~~總之一句,各位鐵騎兄弟姊妹.....小心Ｄ啦!!
肇事原因及教訓啟示:
自己小心極都無用,人地一個唔小心就收你皮,落車之後講聲sorry...好似係道串緊你錦話...真係想打X佢..要金果隻...o呢個教訓話你知要做好道路駕駛者應有的態度同本份,唔好橫衝直撞..如果安分守己都出事的話,只好怪自己唔好彩...+_+...!!
|
