|
炒車報告 |
|
|
駕駛車款:
250 Foresight 製造年份: 2000 意外種類: 撞倒途人 車主: Hotman 事發經過: 22-01-2003早上7:25,我由西沙路去西貢返工，經頌安邨燈位，平時返工時我已經特別留意這個燈位，因為有很多行人衝燈。我當時行車線綠燈，以70公里過燈，我望右邊無人，左邊有十零個，所以，特別留意望向左邊，這時右邊有個女學生衝出來，我見到佢時已經到咗啦！左右手一齊用力剎車，無閃避下直撞該女學生，嘭一聲！我直線飛出，打了數個跟斗！十分完美落在中線。 人命財物傷亡損毀: 我當時不十分清醒，有幾分鐘雲游太空，有途人問我有無事才清醒下來？上救護車時我問救護員，個女學生點？他仲手一指，該女生就坐在我對面！仲同我講對唔住？她左腳只有小小瘀傷，我仲見到她的小腿有條呔印？她無事仲可以即時出院。我就左手小小擦傷，右腳小小瘀傷，即時出院。很奇怪？我明明見到我車頭直撞該女學生，仲有嘭一聲！架車就右邊指揮燈，車頭同右FAIRING無晒，要大修！報咗價$約7000元？ 當時感受: 當我重訓在馬路時，心唸！個女學生唔好有事？有途人講過比我知，個女學生無事？我重以為安慰我㖭！最氣頂！當我瞓係馬路等救護車時，有個司機想移開我，等佢架車可以過，你話死唔死丫？ 事後影響: 最担心的是我老婆，話我同個女仔都無事，好好彩？我27號落口供，都唔知有無事，個女學生一早就認咗衝燈，佢老豆到醫院仲同我say sorry，我都唸住唔追究！ 肇事原因及教訓啟示: 好彩！早上天氣凍，汽車少，著衫多！平時返工行開路線，很容易一時大意，望着左邊，忽略右邊，要不論何時何地都保持警覺！ 鐵騎快語：
|
|
|
你有炒車經驗嗎？ |
