|
炒車報告 |
|
|
駕駛車款:
Super 4 製造年份: 1992 意外種類: 車輛碰撞 車主: 大占 事發經過: 三車相撞,頭車密斗,中間客貨車,最尾就係我o 地方:上斜位, 車速:50km/h 車距:約兩個馬位及路面環境正常o 頭車急停, 中間小撞, 我就大撞o 太快啦,由行緊到停我只得秒多到o 4波勁Dup及直撞車尾, 以為冇跌車覺得好小事, 因為頭Tire被貨車尾頂著而停 人命財物傷亡損毀: 好彩得自己, 但自己因撞車時下意識出咗右手頂著前車尾避過自己向前飛,但就右手兩條手骨骨折要相罁片及留下一條比Harry Porter額頭上還要大及長的雷電紋於手o 部車頭Fork变形沙板冇咗, 油岡笠咗, 尾箱及尾沙板爛咗部車整返都要$6-7000所以賣咗被車行 當時感受: 撞後到隻手,但當見到隻手Dup向下時就知大件事o見到部車更心傷 事後影響: 事後到現在都有兩個月,隻手活動能力都有60%,但骨折位置仲未完全合体,需然自已對電單車仲非常熱愛,但要對自己的家人及女友負責任,只好放棄o 要放半年假,可能連工都無o 我做medical techician亦見過好多撞車case,但估唔到今次主角係自己 肇事原因及教訓啟示: 唔好以為你日日騎著部車及係條路行就可以大意,睇路唔係睇著條路點行咁簡單,你估唔估到你前面嗰幾部車下一秒會有什麼動作呀,我就估唔到隔離線有部的士Cut線而阻到頭車而急停啦o 而嗰一刻我係左及後边都有車,走都走唔到o 這件事教訓自己小心可以令你在意外中所受的傷減至最低,但其他人唔小心,你點都避唔到,自已做多D善事希望意外遠離自己啦o +++++++++ 鐵騎快語： |
|
|
你有炒車經驗嗎？ |
