駕駛車款:            DIO　ＺＸ羊仔
製造年份:            2001
意外種類:            自己炒低
車主:              JERRY 

事發地點：澳門某一處個死人坑渠蓋．．．．．．．．．
事發經過：２００３／８／６早上９點，諗住去買炒面趕返工，點知炒面未買到就自己先炒鑊甘ＧＥ，在綠燈那一刻，我第一個”錶”左出去，跟手行左唔夠十米，就踩正坑渠蓋，加上我又咁岩番飛爆轉數個下個尾就打橫西左出去，個時我諗住想跳車，但係．．．唔知係件衫定條褲卡住部車，就同部車一齊扒地，在卡住那一刻，我心諗，呢鑊仆街，又炒ＬＡ，不過都算ＬＡ，炒得多，冇乜ＦＥＥＬ，炒左之後我諗住在馬路訓番陣抖一抖，點知一抬頭望，即見有一部大巴向我駛來，立即不理傷勢彈起身，之後我要做的事唔係ＣＡＬＬ白車，係搵個ＦＤ車我去醫院，之後先發覺原來我傷得都几甘下，唔死得真係好鬼好彩．．．．．

人命財物傷亡損毀:
最傷梗係個人ＬＡ，係個地下度磨爛蓆咁磨，真陰公．．其次就係個頭盔，個盔好在我炒那一刻冇飛出來，如果唔係我呢鑊爆頭都唔撚掂，我炒個時再起番身個下有如雲遊太空，之後先發覺我左邊身由頭傷到落腳，最大鑊就係隻腳，炒到腳跟移位，幼骨爆裂，再加內出血，足足要抖個多月，至於部車，就只係花左隻尾翼，就係咁多，你話奇唔奇，部車冇事，個人就重傷．．．．．．．．．

當時感受:
冇乜感受，只係下次見到坑渠蓋最多唔番飛爆轉咁多ＬＯ．．．．．．．．．

事後影響:
我有一個壞習慣，就係每炒一次車，再楂返車會更狼，因為每炒一次，在下次再有同樣事情發生時，我唔會再炒，會識得救車．．．所以有返咁上下炒車經驗都係一件好事．．．．．除左一種情況，就係直路冼胎，這是我暫時仲未可以解決到的情況
上述的就係直路冼胎炒車

肇事原因及教訓啟示:
其實炒車係一件好事．．．唔死的話都算係好事,可以從中吸取更多的路面經驗和及時反應....