|
炒車報告 |
|
|
駕駛車款: CB400 VS 製造年份: 1997 意外種類: 自己炒低 車主: 毛 事發經過: 尋晚悶悶地, 諗住一個人周圍兜下風,之後就上大冒山,打算去石崗啦,點知一落斜過左亭就發覺"扇"到仆街,三波40多d入彎都差d炒,焗住入二波,點知一入二波就賴晒野,架車同我個pat pat都好似食左fing囉丸咁,點救都救唔返,之後就向右邊派低咯...之後同架車一齊向前滾,我應該都做左一個720度0既翻滾喇,車車就一路追住我..好彩.......最後大概廿幾公尺先停低. 人命財物傷亡損毀: 自己左,右膝頭哥損左(右邊勁d),其餘冇事,不過車車就慘咯,右邊鏡斷左,右邊腳踏斷埋,執車時有架私家車行過嚇一嚇我,攪到趺多次,原本甩咁半0既右邊牛角甩埋.轉數錶爆開,護架,機器殼,尾箱花到飛起.唉...都唔知要整幾多錢呀...... 當時感受: 好耐都冇試過唔知點好0既感覺,(上一次炒係幾年前咯).第一係0係地下"扇"住行時驚比架車撞埋唻,第二就係唔知要整幾多錢,反而第三先係怕死,因為前兩日新聞先睇到有位不幸車友炒車離世,不過架車只係輕微損毀...搭的士走0既時候先開始識痛,同埋唔知點同屋企講好...到而家都未同阿爸講~~~~~ 事後影響: 唔.....本來諗住唔熟轉波車先成日偷偷地夜晚出街兜風,自問都係一個safety driver,可能真係因為唔熟轉波車啦...基本上都唔會有咩陰影...因為又唔係第一次炒. 肇事原因及教訓啟示: 炒兩次車都係擺尾出事,真係覺得自己技術差,不過電單車好似冇金牌路路通喎?咁點攪好呢?????其實都係自己大意出事...如果唔係貪快拖落三波可能就唔會炒啦...都係要多d出去兜下甩熟d架車好d~~~~
鐵騎快語： 另外駕駛學院係有鐵騎路路通課程o架！
|
|
|
你有炒車經驗嗎？ |
