炒車報告
　 駕駛車款:            250街車
製造年份:            1998
意外種類:            自己炒低
車主:                   弟弟 

事發經過：
 欽洲街向海皮方向行駛，速度太約只得三十左右，到達通洲行燈位，綠燈我照去，但對頭線的那架的士突然轉右(佢那個位應該是我呢條線冇車少可以轉右的)我即時向左偷位，但的士的餘勢都是撞到我前輪。

當時其實我是可以救到架車的，但很黑仔的偏偏遇著渠蓋，即時人車合一在黃格內滑行，在滑行途中看見天空閃閃看似玻璃，以為眼鏡爆了，事後才知是自己的羽絨破了，羽絨滿天所以反光。

當滑行停定，即時企起身，屈下手腳(都重屈到，只是皮外傷)但因波蘿蓋被電單車夾住一齊磨，所以好甘！即時媽叉個的士佬，的士佬講了不下幾十次對唔住，話唔知點解睇唔到，願意賠償我損失！佢話佢都係渣電單車(從佢幫我推車及(達車)的手勢，我相信佢真係渣電單車的)我向車房報告車輛損毀程度，叫的士佬自己問佢幾多錢，另外要佢賠償我的羽絨及手套及湯?費，佢都願意即時禁錢比我，自己諗：唉，都係唔好搞咁大件事了，當自己當黑啦，起碼都收番賠償，自己只是皮外傷，算係不幸之中大幸啦！

電單車傷勢：
豬頭爆了，車尾啡令爆了，pk膠爆了，腳踏連波棍斜了，尾箱花哂，引擎蓋花了！

當時感受：
唔知點同老婆及亞媽交代

事後影響：
冇乜，因不是自己犯錯，以後小心的士佬

自己傷勢：
兩邊波蘿蓋磨損(左邊最甘入哂肉)，手踭及腳踭，上五吋下五吋等都磨損了！　
　
　

你有炒車經驗嗎？ 
把它整理一下告訴大家
讓騎士有所警惕，一起提高駕駛安全吧！