駕駛車款:            Burgman 400i
製造年份:            不適用
意外種類:            自己炒低
車主:              白痴仔....!

事發經過:
唉..都係自己白痴!好白痴!!..當時o係青山公路靠左邊線行..又要懶快喎渣到成百一，又掛住回頭望自己個女朋友同佢傾計喎!..好啦!掛住傾喇!..咪見唔到前面係急灣囉..見住自己架車一路片緊過右邊線o既石碇..當時想片番過左邊架..但又驚咁樣突然一片個灣咁急..會成架車訓底仲大碌!咁當時又見到兩邊線都無車喎..咁咪算囉..搏一搏訓埋去啦..但都有意識地用個右手手擋去撞埋去先~!無咁傷嘛!!呵~~~咁所以架車右邊手擋就完全貼住D石碇黎磨磨磨係咁磨到停車為止...都應該有十秒架....

人命財物傷亡損毀:
我同我女朋友-----完全無事!!因為大家都知會片埋右邊石碇..所以我地都將個身縮去左邊~~!~呵..不過..我無去縮腳..我對$1499 Nike波鞋..磨到花X晒呀..!頂!!
架車-----因為有手擋..所以無戴手套都無事..但佢就幫我擋晒食到應一應!凹+裂+花晒!D磨痕直情穿祗咁滯!另外右邊放腳位都有揩埋去..爆開左..車身都有明顯痕跡..總之..右邊好多都花晒啦..~

當時感受:
只係覺得當時時間過得好慢..o係就黎撞o個o下真係有諗過會唔會成架車炒起架~?又驚一撞埋去衝力太大會變左真人版波子機X2大家鬥彈..好在..最後都無事..但一停車就即時係咁四圍睇睇架車撞成點囉..嘩見到之後..心痛之外都覺得好在..個人無事就得啦..架車花咪花囉..~

事後影響:
事後都幾有影響架..起碼灣位唔敢咁快先啦~~同埋以後唔敢行青山公路..運路行..怕鬼左你呀..

肇事原因及教訓啟示:
緊記緊記緊記!!唔好咁快!同埋要知道道路安全囉..成日睇新聞見人炒車就話人抵死呀..渣到咁鬼快呀..但自己一渣車咪又係咁!!....總之有口話人就有口話自己啦!再係咁..容乜易下個到自己炒架~?所以..緊記緊記緊記!!小心小心小心!!安全安全安全!!