| |
駕駛車款: Gilera VXR180
製造年份: 2000
意外種類: 車輛碰撞
車主: Piu 91089466
事發經過:
7月12日早上7時20分, 由粉嶺經吐露港出旺角
炒車地點:距大埔約幾千米, 警察報告地點: 鹿茵山莊下之路段)
本人由粉巔一直用快線(冇轉過線)一路走, 約到事發地點, 前方左面有一輛私家車突然cut線, 差些少便碰撞到本人,
幸好本人減速後剛好避過, 這個司機後來都有舉手道歉, 剛定下神來3數秒, 本人再加速, 不幸的係, 鄰線又一私家車又是這樣,
我在他旁邊, 那時我望向司機, 發現他也望住我, 後來條PK突然加速壓過來, 這次我避不到了,
私家車後座門位置撞到本人車身, 我失去平衡倒下了(當時時速約有100km/h), 剎那間只看見電單車在地上擦出火花,
後來人停定了, 自己迅速地爬起來, 只知自己仍然清醒, 後來看見條PK停在100零米以外, 我拿起地上腰包, 走到條pk那處x佢,
到2分鐘後, 有又一巡警到來,佢視察現埸位置, 並截停所有車把本人之電單車推到慢線, 隨之而來的係拖車(竟然快過救護車,
哈哈!!!)...警車...... 救護車. 在警車上落口供, 跟住去醫院.........
(警察檔案編號IN187013)
人命財物傷亡損毀:
本人雙手前臂, 手掌, 右肩膀及左邊大比擦損, 腰兩邊瘀了, 雙手變了木乃伊 (奇蹟!!!醫生話咁高速都只是擦損, 奇蹟)
衣物: 全爛 (手套, 褲, T-Shirt, shoe)
車: 遠距離看見兩隻倒後鏡玻璃唔見左, 左邊車身花左, 右邊睇唔到......
當時感受:
點解D人咁駕車架!!! 人命黎架, 見到我係旁邊都照加速壓過來, 大蝦細, 真係想打佢, 當時第一時間通知太太,
本人抄車但冇事
事後影響:
太太幫我抹身, 換衣, 喂我食飯, 從沒有叫我不要再駕車, 本人非常感動
睡了一晚, 想通了, 賣左架車, 當係比個交代老婆, 況且本人又唔係好有錢, 每個月駛費要500幾,
遲d又要交牌費1314, 又要買保險1500, 但又唔係成日駕車, 其實d錢都足夠我坐的士, 電單車我又玩過,
炒又都炒過了, 而家只係差在未死啫, 呢樣野我又係好想試, 現在心死了, 希望各位日後平平安安
肇事原因及教訓啟示:
你小心人地唔小心, 避得一次避唔到第二次.....第三次, 一次意外足以致命!!
本人一向都小心留意身邊d車(睇得你地d報告多), 但今次太近, 避唔到
鐵騎快語：
如果其他車友當時目擊整個事故過程，希望你能挺身而出，還阿Piu一個公道。
祝早日康服！ |
