駕駛車款:            中華速龍
製造年份:            2001
意外種類:            自己炒低
車主:              無辜人

事發經過:
上星期五(7/11)揸車返工，去到葵涌青山公路向九龍方向嘉翠園路口，見到一架的士打右燈準備出小路口，我當然直去啦，佢要讓我嘛！點知當我去到路口前5米到，架的士突然標出來，我立即刹制，但係已經成身向右跌低。個的士佬駛前十來米停下來，問我有冇事，跟住仲話佢打晒燈，我話你打晒燈都唔係咁近我先出車架！佢都即時又道歉返，因為佢車上有客！

人命財物傷亡損毀:
我右手臂及右滕蓋勁痛同流血，架車右邊車頭及腳踏位爛左。個的士佬就咩事都冇！

當時感受:
肉痛：手損腳損，仲要打破傷風針......
心痛：冇攞佢資料就俾佢走左，架車仲要自己整！笨！

事後影響:
1.有諗過係咪自己技術唔好，但諗真D我係俾人跣先至有意外。
2.下次有意外一定要攞人地資料，同埋報警！
3.呢句話真係冇錯：「係馬路上唔可以信任何人！」

肇事原因及教訓啟示:
「係馬路上唔可以信任何人！」呢句話真係冇錯！你小心咩，人地就跣你一鍋金既！死未！