駕駛車款:            人力自行車
製造年份:            不適用
意外種類:            自己炒低
車主:              MT
ContactNo:       man_tat@cuhk.edu.hk

首先，希望大家唔好話我混吉，炒單車都寫一餐；我都係想同大家分享，愈熟悉愈唔緊張的路段，就愈易出事。

事發經過:
零三年二月廿四日，早上八時，陰天有霧，濕度80-90%
意外在明星海星舫(前敦煌畫舫)過橋後有一個五十米左彎落斜，彎後右轉入安景街休憩公園(城門河畔)單車徑時發生
在落左彎時，沒有減速，在彎尾右轉入單車徑時滑鈦；當時速度，相對單車來說，不是低速，至少我相信自己駕電單車或汽車過那彎時會用更低速

人命財物傷亡損毀:
滑鈦後，只知道自己已在地上，即時痛感不大，只見鈦桿180度反轉，沒有損壞，及听見一位長者在教導孫兒騎單車要注意安全......
我即騎單車離開現場，意外地點200米後再停下(為了遠離長者教訓之地...)檢查身体，發現左手肘，右膝，及雙掌擦傷，左手拇指有脫位現象
之後把單車安放學校後，往急症室求診；咨詢骨科後，左手打了五天石膏。
五天拆石膏後，沒有好轉，第二天即入手術室作韌帶縫合。我的傷患是Gamekeeper's Thumb, rupture ulnar collateral ligament. 到現在，拇指仍然活動困難，需要職業治療。

當時感受:
在意外第一現場，長者伯伯沒有即時上前幫忙，而在路旁指指點點，實在victim blaming，缺乏同理心
意外後，我一個月不能上班，加上我的工作，需要靈活的手部運動，實在有點兒憂慮
第一次訓在手術台上，第一次局部麻醉，感覺幾新鮮~~~~
醫生一刀割落去，真係唔痛架喎~~~~(o個時我係同醫生傾緊計！！！)

事後影響:
小弟考到電單車牌約半年，一直都猶豫應否駕電單車；現在就好像是神給我的指示："都係唔好啦！"
出事後，很多事都想自己做翻，唔想人地幫......可能我平日係照顧人地，唔係俾人照顧的人。但都好多謝各醫護人員，同埋幫我開過門，洗過傷口的同學。
(突然諗到)各位在照顧老人家(唔係話我自己)時，或者都會發現他們當中都有些會不太想人幫；佢地會怕麻煩到人，同埋覺得自己角色係照顧人，唔係調轉俾人照顧；請大家都俾d耐性。

肇事原因及教訓啟示:
那個彎，之所以會咁高速咁過，實在係因為自以為對那個彎熟悉......加上落斜關係，速度能夠保持，可以訓下彎......個感覺真係一流(而家梗知死啦！)駕駛單車，加上對那彎位熟悉，漸漸對其警覺性降低，變得掉以輕心；就是忽略了那個大霧的早上，路面不是有水，但仍是很重濕氣；這個在滑鈦後，才回想出門前看過的天氣報告：濕度80-90%，有霧！另外，單車鈦，我想其設計都唔係俾我咁樣"訓"，加上鈦氣太強，我想都是一個原因。以後，都係唔敢咁樣玩啦，轉彎一定會減速，唔係連命都冇！另外，無論對路段幾熟都好，都唔可以掉以輕心。