|
炒車報告 |
|
|
駕駛車款: Honda @150 意外種類: 車輛碰撞 車主: Wheel勤時 事發經過: 由學校渣車出發會朋友，係露輝路keep住四十幾五十公里落斜，呢條路係上山，一條線上一條線落。到一個唔太急既右彎位順住落，對頭線有架雙層巴士，唔緊要！照行！點知後面失驚無神有架專線小巴cut線爬架巴士頭（即係cut對頭線爬頭，仲要cut入我行緊條線！）掂！即刻dup brake dup到響哂呔。架小巴見到我之後都冇減慢，仲要閃我高燈，好似我應該讓開俾佢過咁，結果係距離太短既情況下都係dup唔停，諗住夾硬扭左避開，結果連人帶車剷低，車底剷左埋架小巴個右面頭轆度。 人命財物傷亡損毀: 小巴就當然冇事啦！我既話：人就好好彩冇穿冇爛，係咬損口唇姐。車就慘囉！chk番成條龍骨歪哂，上得total loss單，搬番起架車既時候見到個尾轆向右面拗左出去，同埋漏緊電油。 當時感受: 第一件事諗既係：死！遲硬到！之後諗個死PK小巴，係個盲灣俾架巴士遮住都爬頭，快得果幾秒趕住去投胎我唔阻你，但係唔該唔好累我。第三諗到架車02年8月先出，咁快炒到total loss，仲要繼續供落去，雖然話claim對方保險，都唔知幾時有，經濟壓力都幾大。 事後影響: 一月頭發生到宜家為止，都唔係好敢訓灣，一心驚住會好似撞車果時咁剷低。法律程序上有朋友幫我搞，同埋幫我跟單case既亞sir（唔方便出名啦，係咪？）都好好人。但係衰在當時冇阻止條PK小巴司機駛開架車，搞到個調查程序長左。 肇事原因及教訓啟示: 自己小心啦。但係都未必有用，你小心時人地都唔會同你小心，快得果幾秒鐘都要夾硬來。有時惟有講句「防不勝防」啦。 鐵騎快語： |
|
|
你有炒車經驗嗎？ |
