駕駛車款:            電單車
製造年份:            1995
意外種類:           
車主:              南
　

事發經過:
本人在五月一日晚上約七時五十五分駕駛電單車由太子道東往觀塘方向，當時正沿快線行駛至新蒲崗裁判法院對開位置(正確位置為太子道東690號近 柏立基健康院)時，從巴士站有部雙層巴士(九龍路線為11X,車牌為DT 30X6)正在打右邊指揮燈準備駛離站，開頭本人不以為然，因為本人清清楚楚知道自己佔用的是快線，心唸那巴士就算離站，頂多咪CUT出慢線，說時快，那是慢，那巴士比油駛離站了，但它並不是我所唸得咁天真啊，佢...佢竟然一CUT就CUT到去我條快線到呀，嘩!

果刻真係連飲奶力都要出埋去煞停部車，真係要感謝主呀"THANK'S GOD"，上主賜左一個車轆的空間俾我，就係這"一個車轆的空間"以至我唔洗"隊"埋去架巴士度；驚魂步定後，緊係追上去屌尻佢啦，點知一睇原來係"九巴女車手"，好，斯文d問佢:『喂!洗唔洗一cut就cut兩條線呀?』跟住佢竟然“指手或腳”咁鬧番我轉頭，幾惡呀，響馬路度我就唔同妳嘈住，我記得晒佢個車牌、路線，跟住直剷上"上秀茂坪總站"等佢埋站，在等候果位"九巴女車手"時我已報定案。

等左一陣，"九巴女車手"凱旋歸來喇，哈哈，佢認得我喎，佢落車腳都未企定就話：『哥仔,cut一cut你ja，洗唔洗追到上來呀?』佢既態度容許我用個"寸"字來形容，不過我見佢地多人(連同站長其他九巴車手)費事同佢嘈，我就話：『妳依家咪都唔洗講，等警察來先講啦!』當佢知道我報左警後，佢就玩變臉啦：『先生，如果妳覺得我!頭先渣車渣得唔好既，我可以向你道歉嫁』幾識講野呀，但可惜，我追到上門報警，並唔係要佢向我道歉，如果我接受佢既道歉，就好似想"羅"彩咁，而我想要的係一個公度，係一個保障每一個道路駕駛者的公度。最後警察來到，了解晒成件事後，因為無真正既碰撞，又無證人，最後只係俾左個交通投訴電話我去投訴。
　

心靈創傷：
嚇親，激親 - Dou唔到既話，聽日一定上頭條，d報紙佬肯定仲會寫“鐵騎士狂隊巴士尾送命”囉!

當時感受:
有無攪撚錯呀？一次係咁，兩次又係咁，巴士大撚晒咩？

事後影響:
因本人時常途經太子道東，而在啟德富豪酒店外有一個大型巴士站，本人時常見到d巴士車手一cut就cut兩條線，有時cut三條線都有，真係心唸洗唔洗咁急呀？成條太子道東咁長，慢慢cut都得啦。果度簡直係電單車既交通黑點，小心，小心。

肇事原因及教訓啟示:
見到巴士打燈離站，避開些好d。