|
炒車報告 |
|
|
駕駛車款: PGO T-REX 150 製造年份: 2001 意外種類: 自己炒低 車主: 昌 事發經過: 自怪自己路面經驗少....當時我放工返屋企，行緊70，呈祥路落斜、慢?我望鏡、打燈、擰頭諗住轉?之際，我就已經炒埋去左邊石壆，由於落斜關係"?"左4,50米當時係放工時間，條路都算多車，好彩後面貨車停得切.....滑行左差不多10 秒，我人停係路肩，車係慢? 之後30秒定左神，都重未識痛，檢查傷勢後，發現未傷及頭，頸和腰骨，我見後面有好多車等，就自己用單手單腳扶反正架小綿羊入路肩....奇蹟.... 之後果5分鐘，傷口係咁滴血，好驚自己會好似烈火戰車錢嘉樂咁流2行鼾鼻血、昏底、就係咁先.....血壓同心跳開始回復正常，痛楚既感覺開始出現我意識到要報警，但係同一時間，我發現我部電話飛左出中線zx@#$!y 結果我做左個好勇既決定~可能我果陳時撞壞左個腦,我就咁單手騎左隻羊行多20公里反左屋企， 人命財物傷亡損毀: 隻羊左右花哂，重行得，未check車，冇左部手機，人就我袛不過碎左左手食指拳頭骨、斷左中指手掌骨(差少少就刺穿皮膚)、 膝蓋磨至見骨，多處皮膚擦傷(膝蓋以外都埋左口la) 當時感受: 心痛，身痛 事後影響: 返到屋企之後,但係係泊車時因傷腳落地，失去平衡，又一次跌車,果度都有2架貨車，有人上落緊貨，貨車司機就係度嘆茶、睇報紙。有成7,8人，個個到睇到我，但係冇人施以援手....今次因為傷口好痛，用左3分鐘先起到架車,泊好之後，第一時間搵的士去醫院，點知.....我"節"停部的一士之後，拮下拮下咁兜過車頭上車,突然唔知邊度飛出個師奶，重比佢上左車先,個司機望下我，又同師奶講左2句，結果吹佢開車...可能佢見唔到我隻手重係度滴血la.....結果我等多5分鐘先搵到令一部的士.... 肇事原因及教訓啟示: 住左11日醫院，係我正式出院第2日就見到有單新聞話某新牌出席某車會活動時死左。見到自己滿手乾血、插左三支鋼針、鑲左一塊鋼版、磨至見骨既膝蓋........出事時同佢情況都差唔多，唔同既只係我未死出事到現在，都未有人正式反對我騎電單車,直至未見到呢章新聞前，我對自己都重好有信心可以騎反電單車,我幸運過佢，我頭部冇撞向石壆上燈柱..... 我袛不過碎左左手食指拳頭骨、斷左中指手掌骨(差少少就刺穿皮膚)、 膝蓋磨至見骨，多處皮膚擦傷(膝蓋以外都埋左口la)衣家隻手多左塊鋼版，一條2寸長的手術刀疤，鋼針插到隻手好似箭豬咁隻手同膝頭包哂硼帶，一頭亂髮，鬚根滿面，只欠個眼神就成個無間道梁朝偉咁.....我冇哂信心騎電單車la.......
鐵騎快語： 講開意外後的應變措施，你當時唔應該強行開車離開現場。尤其是你傷得咁重，中途如果不支再發生第二次事故則後果不堪設想！ 至於他日康服後還要不要繼續駕駛電單車，不用現在去想。在等待回服元氣的時光中，不妨多觀察，多思考別人的駕駛態度和方法。是自己的反應問題嗎？還是技術尚未成熟呢？其實有很多人在遇上電單車意外後都會停止駕駛電單車一段時間。如果你想放棄的話也是正常。失去了信心還強行駕駛電單車的話還真危險呢！還是留待一天當你克服了內心的恐懼，再嘗試接觸電單車吧。
|
|
|
你有炒車經驗嗎？ |
