|
炒車報告 |
|
|
駕駛車款: Vespa 老綿 製造年份: 不適用 意外種類: 自己炒低 車主: Whyman 事發經過: 秀茂坪道去藍田方向，燈位右轉落將軍澳道。 平時呢個彎位唔知點解唔係路爛就勁滑，每次我都拖到2波先轉。今朝返工時如常入彎，入彎時已feel到有小小油漬，點知路面有隻老番VCD招待我，一"線"就人車訓低..... 人命財物傷亡損毀: 人就好彩只是手腳輕微擦傷，不過隻老羊就一邊蛋殼花晒，頭沙扳裂左，電鍍邊又花又曲...... 當時感受: 訓低o係地個兩秒真係好長....... 好似做戲咁，個一刻自己雙手護頭o係地下轉左兩個圈，又見到自己隻羊o係地下度慢流，真係好似慢鏡咁....... 事後影響: 對呢個彎有強烈陰影，我諗會有一段時間唔敢行個度。 仲有一隻老番可以咁貴，捉到邊個PK亂拋垃圾應該將罰佢個$1500比我整車﹗﹗ 肇事原因及教訓啟示: 路面油漬要小心，更加要留意有無"四仔"o係路中心﹗ 鐵騎快語： |
|
|
你有炒車經驗嗎？ |
