27 May 2005  真空抽油服務 -  知識技術
　
　 換偈油一般都係擰出車底的油池縲絲，利用地心吸力將舊油慢慢流出。整個換油過程師傅通常會做十五至二十分鐘，需要較多時間和耐性。

因為電單車到達車行時，偈油溫度仍然十分高。為免燙傷師傅一般都會俾部車攤一陣先換。第二就係等舊油滴乾滴淨，一般都要等五分鐘。如果唔換油隔，便要待機油滴淨後，撻翻著部車十零秒，等油隔內的殘餘偈油都走埋出來，於是乎又要等舊油再滴乾滴淨先可以換油。嘩，我秒秒幾十萬上落，冇時間等喎....點呢？
　
　 最近利力車行有限公司就引入真空抽油機，大幅提升換油速度。師傅做得爽手d，你又唔使等咁耐，增值服務不另收費，一家便宜兩家著！
　
　 一停車上好大架，換油程序便可以馬上開始。擰走油蓋，插喉，開機，60秒舊油全部抽走。你即使擰開油池縲絲都唔會再有舊油滴下滴下咁樣衰。
　
　

舊油抽走晒後便馬上入新油。整個果程唔使等，又乾淨！唔會阻閣下寶貴時間！