3.  由左至右再由上至下, 頭3卷係3隻不同size既雙星噴油膠紙,噴頭盔做圖案一流, 尾2卷係頭2卷既補充裝. 綠色個罐係原子灰, 跟住2支細既係模型畢地,長個支係打磨膏, 最尾灰色個支係爭口膠(大修副偈用既).

4.  最左邊係掃灰士(五金舖有售$50-$60), 跟住2罐係噴車既油, 我就用銀藍色噴車身, 銀灰色噴車架. 係土瓜灣下鄉道一間叫富昌美化用品既舖頭度買既。 (仁孚都黎呢道買, 我親耳聽到入面D人話送D乜乜去仁孚)入到去就會有本好厚既色版俾你慢慢揀，揀岩佢會即刻溝比你。最少買半公升$110，
一公升就賣$190，不過半公升夠我噴四五次我部車。如果用手噴柒, 小心夏天烈曰下會變.

5.  前面由左至右, 123天拿水($42),MS2000光油($146),MS30硬化劑($120), 以上3樣係富昌買,大個罐係3054天拿水(四公升$60-$70,五金舖有售),唔係噴好多的話,3054可以買一公升庄$(20).

6.  抄車後, 求其噴D手噴柒個衰樣.

7.  抄車後換左V2頭Fork後既白色沙板. 同埋之前已噴過既側身.

8.  先用噴油膠紙遮左個入油位同出油位.
再起晒底油同底灰後既油缸. 起完後發現上手己補過同噴過, 即係抄過, 新仔即係新仔, 第一部買既車係抄過既, 不過自己都抄.  :p
(無抄過可以唔使起晒底油, 淨係用 #400 及 #1000 水沙紙打磨就得.

9.  用原子灰補凹凸不平既地方, 乾後用#100, #400 及 #1000水沙紙由粗至幼打磨至平滑, 完成初步打磨後再噴掃灰士,小瑕疪即刻現型, 再用細支畢地(你鐘意用原子灰都得)補埋D小瑕疪.

10. 其他要噴既都要用#400 及 #1000 水沙紙打磨以方便上油.

11. 補完畢地再打磨至平滑後既look.

12. 其他初步打磨好既部份.

13. 噴緊掃灰士, 留意我隻手.

14. 又係噴灰後用畢地補瑕疪再打磨.

15 再噴灰,搵瑕疪, 補畢地, 打磨, 再噴灰. 直至滿意. 無抄過應該唔使做禁多次. (圖中油缸上黃黃地既就係原子灰)

16. 噴完最後一次灰就可以上色, 上色唔好心急, 要逐層逐層黎.有噴模型經驗就知我講乜.

17. 上色先上係個邊邊度, 因為之後噴大面積好容易忽略, 同埋無咁易上到油.

18 噴左三四次後既效果. 每次乾透後要用#1500水沙紙輕輕打磨, 作用係整走D塵, 之後先再噴.

19跟住小心貼貼紙(上光油前上可以保護貼紙, 建議車廠同原庄貼紙上光油前貼, 因為確保撕唔甩同洗車落雨無影響.)呢張相已經上左一兩次光油.

20 三禾訂既 R1-Z 貼紙, 原庄有白底, 攪到我要用cutter慢慢 cut番出黎.

21完成圖. 上光油頭兩層上薄D, 驚厚既話會損害貼紙,之後可以上厚D, 約噴至覺得岩岩有俾水浸住既反光感覺,切記唔好厚.噴好就用#2000沙紙輕輕打磨, 再用拋光膏拋光, 最後上車臘.

撰文、製作及攝影：電單車版版友阿海