歡迎各方高手電郵至tips@ibike.com.hk作出補充 iBIKE不足之處。

問：

賣車不外乎兩大課題：收錢、甩身。

收錢當然指你在雙方約定的時限內，依照事前議定之付款方式收足車價。例如講好今日俾錢，就唔好拖D尾數第日俾，話明俾cash或櫃員機過戶，唔好突然間整張私人票要你收。

甩身是指法律責任，就算收o左錢，過戶手續一日未搞清楚，抄牌快相甚至撞死人，車主都可能會上身。唔好懶到淨係係張過戶紙上簽o左名就算，由得新車主幾時去過戶都唔知。

還要確定新車主已經出o左臨時保單，運輸署先俾過戶。如果舊車主真係唔得閒去過戶，要肯定牌薄上已經簽0左名。費時臨時迫個準車主「冒簽」。

所以買賣雙方事前要議定每個程序，作好協議。個人經驗，私人買賣好講雙方投契程度，有無一見如故。如果信唔過對方，通常我都不作考慮。所以唔係淨係睇車，還要睇埋個人。可能我太主觀，對人唔對事啦 ：)

如果架車有上會，牌薄會由財務公司保存。車主需要在賣車前，通知財務公司。例如先補錢贖車，拿番牌薄先賣車。如果冇錢贖車，咁就要新車主肯續供，或者準車主把車款直接付予財務公司。由於牽涉到財務公司有額外行政工作，徵收手續費不足為奇。