鐵騎網誌 www.ibike.com.hk

13 Oct 2001 大車初心備忘 (1) 知識技術
大車初心備忘 (1) 每位車友有會經歷不同的玩車階段，成長階段會由細車轉玩大車，成熟後可能又會由大車轉玩番落細車。本地車友Raymond特別為一些剛轉玩大車的朋友，在新聞組中提出一點肺胕忠告，希望提醒各位車友關於駕駛大馬力跑車應該注意的地方。鐵騎網誌覺得十分可貴，特意連夜徵求Raymond的允許，轉載在iBike中，祈能讓更多人得益。特別鳴謝：Raymond raycad@i-cable.com客席撰稿
		近年來見好多車友都撰擇大馬力跑車，例如Honda CBR929RR, Yamaha YZF-R1, Suzuki GSX-R1000, Kawasaki ZX-9R等… 但在香港街道上是好難完全用盡架大車。在鬧市裡可能是車仔最快, 因為細車靈活，攝位又易。
忽略基本要求玩大車的人，好多時很快便安裝 kit 喉, 換 jet kit及風隔，原因好簡單，無喉無聲點都唔似搓大車!!!! 但係點樣令到架車更適合自己使用，例如該如何提高跑車操控性，則不是每位初玩大車的人都會留意到。
	操控性及安全性其實如果 set 到架車適合自己, 搓得順暢，不費吹灰之力都會好快。分分鐘你在大帽山落山時，後面架車已經搏緊命，但你仍然係遊緊車河！而最重要就係安全好多，正所謂人車合一，追求操控上的得心應手，比單純追求馬力的大小來得更加重要。

		掣動系統首先同大家講講迫力系統，由於成本造價的關係，一般大馬力跑車的原庄迫力都唔多夠用。(過往開來大車原裝掣動效果平均最好是Suzuki。) 唔好以為安裝迫力鋼喉就可加強掣動力，直徑較細的迫力鋼喉作用會令到迫力反應快一些，省力一些。當迫力油受熱高溫時可以快一點散熱，和唔會好似膠喉咁可以膨脹令油壓掣動的壓力減低。真正增加掣動力的部件是由更換手泵開始。
以最hit 的 R1 作比喻, R1 原裝迫力都唔多夠，更換鋼喉作用也不大。最好可以更換大手泵 (如19mm Brembo)同埋一對靚brake pad，就已有大改善, 如果換埋Brembo 鮑魚就最好，效果起碼好幾成。如有錢的話可以安裝Brembo brake kit for R1 (但Brembo brake kit 不是用19mm Brembo racing 泵)。一個良好的迫力系統不是一扣剎車桿便鎖轆，而是只需用一至兩隻手指(其他手指要比空油轉波!!)都可以得心應手地調較掣動力。例如25%、 50%、 75%或100%的掣動力

其他因素就是條胎, 新車run-in 完一定要check 下原裝是否和現時最好的一樣。如果你有錢買大車。就唔好慳迫力同胎錢, 大車快就易，停就難，分分鐘跌一次就貴過套迫力同胎好多。待續…… 特別鳴謝：Raymond raycad@i-cable.com客席撰稿