20 Feb 2003 Valve Clearance攝哇佬DIY自作業 - 知識技術

　
　

Original production: 大頭仔
Represented by: Dave

　
早前新聞組上有一位自稱「鈴木車主」的版友，上載了自行調整閥門間隙的圖片，我們認為十分難得，有意轉載讓更多人觀看。最近我們終於和他取得聯繫，並得到他的同意把內容轉載在鐵騎網誌內，在此再次多謝Cheung Pang兄的慷概「捐輸」。以下內容是經過編輯部的剪接重組，希望新手們更容易觀看。
前言
掌管閥門開關的凸輪軸，附有不同方向排列的凸輪。鵝蛋型的凸輪被軸心帶動，當「蛋尖」部份向下時，便會把引擎閥門(哇佬腳)向下壓開，當「蛋尖」部份向上轉離開時，閥門彈簧便會把閥門關上。

要讓引擎順利發揮性能，其中一個重要條件是生死氣閥門 (valves)的開啟幅度必需準確無誤。

因為避免機件磨擦和金屬冷縮熱脹的關係，在設計上凸輪和閥門會預留一定空隙，是為 閥門間隙(valve clearance)。但隨著機件磨合後或正常損耗下，這個空隙的數值會自動改變，有可能偏離了原廠設定的許可範圍。
如果valve clearance過少的話，有可能造成不必要的凸輪磨擦，動力流失外也會損耗機件，哇佬腳也受到過大的下壓力。如果Valve clearance過大的話，則閥門的開啟幅度會不足夠，引擎呼吸的效率下降，無法使出應有本事。
　 筆者部愛駒2002Suzuki Bandit 1200S 經已行左3700km。Service manual上話明1,000km後應該調整valve clearance，以保持引擎性能及防止損壞引擎。因為run-in完通常哇佬間隙會緊左，而且重會慢慢越來越緊。
　

外國D車友話呢方面好緊要, 佢地話太緊會機件有永久損傷。本來1000km就要調整，但筆者的愛駒已經行左3700km，實在不能再拖....所以o拿o拿聲走去深水步鴨寮街，買齊Feeler Gauge(HK$25)，torque wrench(HK$500德國製，係貴少少都值得既，有排用，好過靠估)，一邊睇書一邊慢慢o黎...因為第一次拆咁多野，所以搞足十二小時。

　
　

　
　
　

　
　
　
　
　

　
　

　 本service manual就話要換晒D gasket(盤頂砧口)，但我上去message board問外國D車手，佢地話只要冇爛就唔洗換，所以我都冇換，暫時唔見有漏油...
　

　 筆者第一次依書自作業，埋頭苦幹由10:00PM做到翌日10:00AM終於搞掂。撻匙試下著車.....嘩！有明顯分別呀！引擎真係順左好多！之前高轉(由3,500rpm開始)有幾大震動，依家幾乎冇晒啦!! Yeah!!
　
編按：
十分多謝大頭仔(pca7070@yahoo.com)容許我們轉載他的DIY傑作。如果大家也有DIY近作，歡迎來信提供，讓更多人可以欣賞。Email: diy@ibike.com.hk